මෙහි ඇති සියලුම කතා වල අයිතිය මුල් රචකයා සතු වන අතර කතාව ලබාගත් මුලාස්‍රය අවසානයේ දක්වා ඇත. කතාවේ සත්‍ය අසත්‍ය බව පිළිබද අපගේ වගකීමක් නොමැත.

---ග්ලූමි සන්ඩේ (Gloomy Sunday) – හංගේරියානු සියදිවි නසාගැනීමේ ගීතය---


ලෝකයේ සාපලත්, භයානකම සින්දු අතරින් අංක එක හැටියට අපිට මේ ‘හංගේරියන් සුයිසයිඩ් සෝංග්’ එක වෙන ‘ග්ලූමි සන්ඩේ’ නම් කරන්න පුලුවන්. මේ ගීතය ගැන අතීතයේ ඉඳන් ඇහෙන්නෙ ඉතාම අඳුරු සහ භීතිය දනවන තොරතුරුයි. 1930 ගණන් වලදී මේ ගීතය නිර්මාණය කරන්නේ හංගේරියානු සංගීතඥයෙක් වුණු “රෙස්සෝ සෙරෙස් ( Rezső Seress)” විසින්. මේ ගීතයේ පදමාලාව ලියන්නේ සෙරෙස්ගේ මිත්රයෙක් වුණු “ලාස්ලෝ ජේවර් (László Jávor)” විසින්. මියගිය පෙම්වතියක් හා එක්වනු පිණිස මෙළොව හැරයන්න හිතන පෙම්වතෙක්ගේ දෘෂ්ටි කෝණයෙන් තමයි මේ ගීතය නිර්මාණය වෙලා තියෙන්නෙ. මෙය නිර්මාණය කරන්න හේතු වුණේ මේ මිතුරන් දෙදෙනාගෙන් කෙනෙකුගේ පෙම්වතියකගේ සියදිවිනසාගැනීමක්ය කියලත් මතයක් තියනවා. පස්සෙ කාලෙකදී මේ ගීතය ඉංග්රීසියටත් පෙරළලා ගායනා කරනව.

ග්ලූමි සන්ඩේ ගීතය ඉතාම භයානක ගීතයක්ය කියල ප්රසිද්ධ වෙන්න පටන් ගන්නේ ඒ ගීතය අහන අය සියදිවි නසාගන්න පෙළඹෙනවය කියන පුවත් පළවීමත් එක්කයි. මේ ගීතය ඇහීමෙන් පස්සෙ සියදිවි නසාගන්නට පෙළඹුණු පුද්ගලයන් ගැන විවිධාකාර වූ පුවත් අතීතයෙන් ඇසෙන ව එහෙම දිවිනසාගත්ත අයගේ අතේ මේ ගීතයේ පද පේළි ලියැවුණු සියදිවි නසාගැනීමේ ලිපි තිබුණ අවස්ථා ගැනත් අහන්නට ලැබෙනව. යුරෝපය පුරා සියදිවි නසාගැනීම් සිය ගණනකට විතර මේ ගීතය හේතු වෙලා තියනවා කියල කටකතා තියනව. ඒ විතරක් නෙමෙයි, මේ ගීතය නිර්මාණය කරපු රෙස්සෝ සෙරෙසුත් පස්සෙ කාලෙක සියදිවි නසාගෙන තිබෙනවා.



ග්ලූමි සන්ඩේ ගැන පටබැඳී ඇති කතා භයානක ඒවා වුණත්, මේ ගීතය ඇහීමෙන් කෙනෙක්ට සියදිවි නසාගන්න හිතෙනවය, ඒ ගීතය මේ කියන සියදිවි නසාගැනීම් වලට හේතු වුණාය කියන්න තරම් ප්රබල සාක්ෂි කිසිවක් නැහැ. 1930 ගණන් වල හංගේරියාවේ තිබුණු සියදිවි නසාගැනීම් වල වර්ධනයත් එක්ක මේ ගීතය සම්බන්ධ වෙලා හැදුණු මිත්යා මතයක් වෙන්නත් පුලුවන් මේක. ඒ කොහොම වෙතත් ග්ලූමි සන්ඩේ කියන්නෙ අහද්දි හරිම අමුතු හැඟීමක් දනවන්න සමත් ගීතයක් කියන එකනම් පිළිගන්නම වෙනවා.

නාරද රාමනායක

Source; Link

---ග්ලූමි සන්ඩේ (Gloomy Sunday) – හංගේරියානු සියදිවි නසාගැනීමේ ගීතය--- ---ග්ලූමි සන්ඩේ (Gloomy Sunday) – හංගේරියානු සියදිවි නසාගැනීමේ ගීතය--- Reviewed by InvestCrypto on September 23, 2017 Rating: 5

No comments: