කළුතර ප්‍රදේශයේ සීදූ වූ සත්‍ය සීදූවීමක් ඇසුරේන්,
මේ සිදූවීම වේලා 2010 වර්ෂයේ, කළුතර ප්‍රදේශයේ එකතරා ගමක

මේ ගම්මානයේ ඇතුළට වේන්න තීබිල තියෙනවා පොඩී මත්පැන් හලක්(බාර් එකක්), එක දවසක් මේ බාර් එකේන් මත්පැන් පානය කරලා යන පුද්ගලයේක්ට සුදු ඇදුමීන් සෑරසී සිටින ගැහැණියක් මුණ ගැහෙනවා, මේ බීමත් පුද්ගලයා දුටු සැනීන් ඒ සුදු ඇදගත් ඒ ගැහැණිය එක වරම බීම තීබූ ගල් වලින් මේ බීමත් පුද්ගලයාට පහර දී තිබෙනවා,දැඩී ලෙස තුවාළ ලැබූ මේ බීමත් පුද්ගලයා එතනම බීම ඇද වැටී තිබෙනවා, ඔහුට සිහිය එද්දී ඔහු ඉදලා තියෙන්නේ රොහලේ, ඔහු මේ සිදූ වූ සියල්ල ඔහුගේ බිරිදට පැවසුවද බිරිද ඒ කිසිවක් වීශ්වාස කර නැහැ, මන්ද ඔහු ඒ වේලාවේ බීමතීන් සිටි නීසා, පසුව මේ සිදුවීම මුළු ගමම දැනගත්තා, එහෙත් කිසිවේක් මේ සිදූවීම විශ්වාස කරේ නැහැ, කාළය ගෙවීලා ගියා

ගොඩක් අය අහල තියනවා මොන වගේ දර්පන වලටද මේවා වෙන්නේ කියලා හැම කන්නාඩියක් ම මෙහෙම නැහැ මොකද නිකන් හේතුවක් නැතුව කිසිම දෙයක් වෙන්නේ නැහැනේ අමනුෂ්‍ය ආත්මයක් බිහිවෙන්නෙත් යම්කිසි හේතුවක් නිසා ඉතින් ඒ වගේ තමයි කඩපතකට උනත් අමනුෂ්‍ය ආත්මයක් උරාගන්නේ යම්කිසි හේතුවක් උඩ ඉතින් එක නිසා නිකරුනේ බය වෙන්න අවශ්‍ය නැහැ අපි ඒ වගේ ඒවාට තමයි කියන්නේ hunted mirror ( දඩයම් කැඩපත ) කියල .ඒ වගේම කෙනෙක් ඇහුවා කන්නාඩි වලට හොල්මන් පෙන්නේ නැහැ නේද කියලා මෙහෙමයි එක එක ජනප්‍රවාද තියනවා මේ ලෝකේ ඉතින් එක නිසා අපි බුද්දිමත් වෙලා බලන්න ඕනි
හරි දැන් අපි බලමු කැඩපත අශ්‍රිතව පුද්ගලයින් මුහුණ දුන්නු සිදුවීම් වල කරුණු කීපයක්

# මනුෂ්‍ය සෙවනැලි ( Shadow People )

දඩයම් වූ කැඩපත් ( hunted mirror ) අශ්‍රිතව නිතරම පන නගින චෝදනාවක් වන්නේ එම කැඩපත දෙසින් තමන්ට අමතරව තවත් අයෙකුගේ සෙවනැල්ලක් වැනි යමක් දිස්වීමයි . ඒ වගේම තමයි ගොඩක් අය පවසා තිබෙනවා මෙම අවස්ථාවන් වලදී දැඩි ශීතලක් . යම්කිසි ශබ්ධ වැනි දේවල් ඇසුණු දැනුනු බව . ඒ වගේම මේ සෙවනැල්ල විවිද රූප මැවුණු බවත් ප්‍රකාශ කරලා තියනවා .

# මීදුමක් ( mist )

තවත් දෙයක් තමයි සමහර අය අත්විදලා තියනවා මීදුමක් වැනි යමක් කැඩපතෙන් දුටු බව .එය සමහරවිට මනුෂ්‍ය රුපයක්ද තවත් විටක කැඩපතෙන් බලන විට තමන්ගේ කාමරය ආශ්‍රිත වටපිටාව මීදුමක් සහිත වටපිටාවක් දුටු බවට වාර්තා වනවා .ඒ වගේම එම අවස්ථාවේදී ඔවුන්ට තරහ දුක වගේ රිනාත්මක හැගීම් ඇතිවූ බව පවසනවා . එසේම මේ අවස්ථාවදී රත් පැහැති ඇස් . ශබ්ද . සහ බාහිර බලපෑම්ද ඇතිවී තිබෙනවා

# මුහුණු ( faces )

ඒ වගේම hunted mirror අශ්‍රිතව මුහුණු දැකීම ඉතාම බහුල වශයෙන් වාර්තා වී ඇත . පුද්ගල මුහුණු සහ අමනුෂ්‍ය මුහුණුද සමහරක් අවස්ථාවල දුටු බාව කියවෙනවා

දර්පණ සමග සම්බන්ධ වී ඇති මෙම අද්විතීය ක්රියාකාරිත්වය නිසා, ඒවාට ද්විතියිකයන් ලෙස ප්රසිද්ධ වීමට ලැබීම පුදුමයක් නොවේ. එහෙත් හරියටම ද්වාරය යනු කුමක්ද? ( portal ) දොර නැත්තම් පිවිසුම

Spirit Portals ( ආත්ම පිවිසුම )

ආත්මික ද්වාර සංකල්පය අලුත් දෙයක් නොවෙයි එය සැහෙන කාලයක් තිස්සේ ආපු දෙයක් එය ආත්මික බලාශක්ති සහ අනෙකුත් මාන ඇතුල් වීමේ සහ පිටවීමේ ද්වාර වේ . සමහර ජයාරූප මගින්ද මේවා ජයරුපයට ගෙන ඇත එය වඩාත් මුලික මට්ටමේදී සාමාන්යයෙන් ඒවා කුනාටු සුළඟක් හෝ දිගටි සහිත, හුරුබුහුටි හැඩයක් ලෙස පෙනේ. පහත සදහන් වන්නේ ඒවායේ ලක්ෂණ කිහිපයකි

# ආධ්යාත්මික මට්ටම් / මානයන් වටා බලශක්ති ක්ෂේත්රවල කවුළුවක් කුහරයක්, ලෙස සැලකේ. මෙය විවුර්ත කිරීමට යම්කිසි මට්ටමක් මානයක් අවශ්‍ය වේ උදාහරණයක් වශයෙන් අධ්‍යාත්මික දියුණුව මගින් ද විවුර්ත කල හැක

# සෘණ ආත්ම නිතරම මෙම ද්වාර හරහා පැමිණේ භෞතික තලයට ආසන්නව ඇති තාරකාකාර තට්ටුව පහළ තාරකා ජීවීන් හා ශක්තියෙන් පිරී ඇති නිසා මෙය සිදුවනු ඇතැයි විශ්වාස කෙරේ ( මෙය වඩාත් පැහැදිලි කිරීමට පසුව මා වෙන පොස්ට් එකක් දාන්නම් )

# භෞතික මට්ටමට ඇතුළුවීම හා පිටවීම යන දෙකම සඳහා ද්විමය මාර්ග දෙකක් ලෙස බොහෝමයක් විශ්වාස කෙරේ

# මෙම ද්වාර ආසන්නයේ ඉතම ඉහල paranormal ක්‍රියාකාරිත්වය පවතී

# ලොවපුර මෙවැනි ද්වාර සොයාගෙන ඇති අතර ඒවා උණුසුම් ස්ථාන යනුවෙන් හදුන්වයි ( hot spot ) ඒ වගේම බොහෝ දෙනා සිතන්නේ අමනුෂ්‍යන්ට හා අද්යත්මිකව දියුණුවූ මනුෂයන්ට පමණක් මෙම දිවාර විවුර්ත කිරීමට හැකි බවය නමුත් සත්‍ය එය නොවේ පිටසක්වල ජීවින් පවා මෙම මානයන් භාවිතා කරන බවට සැකයක් පවතී

# ඒ වගේම තමයි දර්පන කිව්වම හැම දර්පනයක්ම මෙසේ වන්නේ නැති බව සිහි තබා ගන්න

(Moon and flame dance in glassy tomb, The mirror’s eye in candle gloom, Shadows stir and seek release, gain ghostly entrance to the room.) කරුණාකර ඔබම සිංහල වලට පරිවර්තනය කරගන්න

කිසියම් පරාග්චික සංසිද්ධියක් සේම අවිනිශ්චිත හෝ ස්වාභාවික සංසිද්ධීන් කුමන අවස්ථාවන්හිදී අද්භූත දේවල් සඳහා යෙදුනිදැයි දැන ගැනීමට අපහසුය. එහෙත් එක් දෙයක් නිශ්චිතවම, දර්පණ අඛණ්ඩව අධ්යාත්මික සංසිද්ධීන්හි කොටසක් බවට පත් කරනු ඇත.

ඔබ දර්පනය පසු කරන ඊලග වතාවේ හොදින් බලන්න මන්දයත් කවුරුන් හෝ ඔබ දෙස බලා නොසිටිවී යැයි කවුද නොදන්නේ , සමහරවිට්ට එය ඔබම විය හැකි .

-Fox Molder-

Source: Link

අපි අපේ ලස්සන එතකොට අපේ ඇදුම් වල තියන හැඩ එහෙම බලන්නේ කැඩපතෙන් , ඒ වගේම සමහරු දුක සතුට කියන්නත් මේ කැඩපත උපයෝගී කරගන්නවා . ඉතින් ඔයාල හිතුවද නිකමටවත් කැඩපත කියන්නේ අම්නුශය ලෝකයට තියන දොරක් කියලා . ඔව් එක ඇත්ත මොකද අද වන විට කැඩපත සම්බන්ධ කරගෙන උණු අත්භූත සිදුවීම් විශාල ප්‍රමාණයක් වාර්තා වෙලා තියනවා ඉතින් අද මන් ඔයාලට ගේන කරුණු ප්‍රසිද්ධ භූත ගවේශකයින් විසින් අනාවරනය කරගත්ත සහ අත්වින්දා වූ අත්දැකීම් සහ දැනුමයි .

දර්පන හෙවත් කැඩපත බොහෝ මානයන් සමග ද්විපාර්ශවික වශයෙන් ද දැකිය හැකි අතර මෙය නොදැනුවත්වම හමුවීමේ අමතර අවදානමක් ඇත. දර්පණ ගැන සඳහන් දේවල් සහ නොකළයුතු දේවල් කිහිපයක් මෙහි දැක්වේ:

# දර්පන වලට ආත්ම උරා ගැනීමේ හැකියාවක් ඇත .එමනිසා රෝගාතුර වූ හෝ මරණාසන්න පුද්ගලයෙකුගේ කාමරයෙන් කැඩපතක් ඇත්නම් එය ඉවත් කල යුතුය

# රාත්‍රී කාලයේදී ඉටිපන්දම් එළියෙන් කැඩපත දිහා නොබලන්න . මන්ද අමනුෂයන් හෝ අත්භූත දර්ශන දිස්විය හැක

# එක් පුද්ගලයෙකු කාමරයක මිය ගිය විට දර්පණ බිත්තිවලට වසා දැමීමට හෝ බිත්තියට මුහුණ පෑම. එසේ කිරීමට නොහැකි වීම නිසා මියගිය පුද්ගලයාගේ ආත්මය අහිමි වනු ඇත -

# ඔබේ කාමරයේ නිදාසිටින විට ඔබගේ කැඩපත ආවරණය කරන්න එවිට ඔබට නින්දේදී සිදුවන අමනුෂ්‍ය බලපෑම් වලින් මිදීමට හැකිය එසේම
කැඩපතක් ඉදිරියෙන් නිදාගැනීම ඔබේ ඇද තැබීම සිදු නොකරන්න

# ඔබේ කාමරයේ ඇති කැඩපත දීර්ග කාලයක් එකම ස්ථානයක නොරදවන්න විවිද තැන් වලට මාරු කරන්න එවිට පොර්ටල් නැතහොත් (portal) දොරක් විවුර්ථ වීමේ සම්භාවිතාවක් නැතිවේ .( නපුරු ආත්මයන් ඇතුල් වීමේ මාර්ග )

විශේෂයෙන් සැලකිය යුතුයි ඔයාලගේ ගෙවල් වල තියන හැම කැඩපතක් ම මෙහෙම වෙනවා කියලා හිතන්න එපා මොකද මේ වගේ එකක් දැන්මම සමහරු තමන්ගේ කැඩපත ගැනත් මෙහෙම හිතල එක එක ප්‍රශ්න එයි . මේවගේ දර්පන වලට අපි Haunted Mirrors ( දඩයම් වූ දර්පන ) කියල කියනවා
ඒවා හැම ගෙදරකම නැහැ මොකද දර්පනයකට ආත්මයක් යන්නේ එම දර්පනය ඉදිරිපිට හෝ යම් අත්භූත දෙයක් සිදු වූ නිවසක වෙන්න පුළුවන්

 මේ ගැන මන් ගොඩක් විස්තර කියන්නේ නැත්තේ මේ සමුහයේ ගැහැණු ළමුන් බොහෝ දෙනෙක් ඉන්න නිසා මොකද ගැහැණු ළමුන් තමයි දර්පන සමග වැඩි කාලයක් ගතකරන්නේ . මොකද යම් කෙනෙක් හෝ මෙය කියවීමෙන් බිය වනවාට මන් කැමති නැහැ .හේතුව මේ වගේ දේවල් වලින් කොහෙත්ම කෙනෙක් බය වනවාට මන් කැමති නැහැ හේතුව තමයි "ඔබත් සමග සෙල්ලම් කිරීමට මා හට බොහෝ දේ ඇතත් මෙවැනි දේවල් වල සෙල්ලම නොමැති නිසා "

-Fox Molder-

Source: Link

ආමන් රැජින මීට වසර 1500 පෙර ඊජිප්තුවේ රජකළ මනස්කාන්ත රූ සපුවක් හිමිකම් කිව් රැජිනකි.ඇය මිය යාමෙන් පසු සිරුර මමියක් බවට පත් කොට ඇගේ රුව හා සමානව පින්තාරු කැරුණු අලංකාර මමි ආවරණයක බහා ඊජිප්තුවේ ලස්කම්බර්ග් හි නයිල් ගං තීරයේ සුරක්ෂිතව තැන්පත් කෙරුණි .පසුව 1890 දී කල කැනීම්වලින් ඇගේ මමිය හමුවෙනවා .අලංකාර හා ඉපැරැණි මමියක් නිසා කැණීම් කල පිරිස විසින් ඇගේ මමි ය වෙන්දේසි කරනවා .ඉතා ධනවත් තරුණයන් හතර දෙනෙකුට මෙය මිලදී ගැනීම සඳහා ඇරයුම් ලැබෙනවා .වෙන්දේසිවලදී පවුම් දහස් ගණනක මිලක් නියම කර එක් තරුණයෙක් ඇගේ මමි ය මිලදී ගෙන එය තමන්ගේ හෝටලයට රැගෙන යනවා .පැය කිහිපයකට පසුව ඔහු කාන්තාරය දෙසට යන ආකාරය පිරිසක් දැක තිබෙනවා .ඉන්පසු නැවත කිසිදු දිනෙක ඔහු ආපසු පැමිණි නෑ.ඊට පසු දින තරුණයන් සිවුදෙනා ගේන් තවත් අයෙක් ඊජිප්තු සේවකයකු ගේ වෙඩි පහරක ට ලක්වී අනතුරකින් මිය යනවා .ඔහුගේ මළසිරුර අත් කපා වෙන් කිරීමට තැත් කල යැයි සිතිය හැකි ආකාරයට භයානක ලෙස තුවාල වී තිබෙන අයුරු පසුව දක්නට ලැබෙනවා .තරුණයන් සිවුදෙන ගෙන් තවත් අයෙක් ගේ බැංකු ගිණුම් අසාර්ථක වීම හේතුවෙන් සියලු ගිණුම් බැංකුව විසින් අවලංගු කරනවා .ඔහු දුප්පතකූ බවට පත්වෙනවා .අවසන් පුද්ගලයාට දරුණු රෝගයක් වැළදීම හේතුවෙන් රැකියාව අහිමි වි මහා මාර්ගයට වැටෙනවා .
මේ අතර තුර මමි ය එංගලන්ත ධනවතෙකු මිලදී ගෙන එංගලන්තයට රැගෙන යනවා .පසුව ඔහුගේ පවුලේ තිදෙනෙකු රිය අනතුරකට ලක් වෙනවා .ඔහුගේ නිවස ගින්නෙන් විනාස වෙනවා .ඉන්පසුව ඔහු මමි ය එංගලන්තයේ කෞතුකාගාරයක ට ලබා දෙනවා .මමි ය රැගත් රථය කෞතුකාගාර මිදුලේ නවතා තිබියදී ඉබේම පසුපසට ගමන් කර ගස් දෙකක් අතර සිර වෙනවා .පසුව සේවකයන් දෙදෙනෙකු විසින් මමි ය ඔසවාගෙන තරප්පු පෙළ මතින් ඉහළ මලයට රැගෙන යන ලදී .ඉහළ මාලයේ තැන්පත් කර ආපසු එන ගමනේදී එක් අයෙකු තරප්පු පෙළින් වැටී පාදය බිඳෙන වා.මනා සෞඛ්‍ය තත්වයන් සිටි අනික් පුද්ගලයාගේ සිරුර පසුව දා හමුවෙනවා .ඔහු මිය යාමට හේතුවක් සොයා ගැනීමට ලැබෙන්නේ නැහැ .මින්පසු තත්වය තව තවත් භයානක වුණා .දිනක් රැයෙහි කාන්තාවක් ඉකි ගසමින් හඬන හඬක් කෞතුකාගාරයේ ඉහළ මහල දෙසින් ඇසුණා .කාමරයට ඇතුළු වෙත්ම ඔහුට දක්නට ලැබුණේ අනිකුත් කෞතුක වස්තූන් ඉතා වේගයෙන් සෙලවෙන අයුරුය .එ සමගම මමි ය දෙසින් ඉතා වියරු ඉකි ගැසීම කෑ ගැසීමක් බවට පත්වුණා .අනික් මුරකරු එය ඇසී ඉහළ මලයට දිව එන විටදී ඔහු දුටුවේ අනෙකා කාමර තුළ මියගොස් සිටි ආකාරයයි .රැයෙහි පුරාම මෙම වියරු අඳෝනාව හා සෙළවීම පැවතුණා .අනිකුත් මුරකරුවන් බිය නිසා පහත මලයට වි සිටියා .තවද පිරිසිදු කරන්නන් පවා මෙම මමි ය තිබෙන පෙදෙසට යාමට බය වුණා .දිනක් කෞතුකාගාරය ට පැමිණි පුද්ගලයකු අතින් දූවිලි සහිත රෙදි කඩක් මමි යේ මුහුණ නිරූපිත පෙදෙසට වැදුණා .ඒ සිද්ධියෙන් දවස් කිහිපයකට පසුව ඔහුගේ පුතා අවාසනාවන්ත ලෙස රෝගයකින් මිය ගිය .

පසුව කෞතුකාගාරයේ බලධාරීන් විසින් තීරණය කෙරුණ මමි ය පහත මාලයේ ගබඩා කාමරයක තැබීමට .සතියක් යන්නට මත්තෙන් සේවකයෙකු දරුණු රෝගයකින් කෞතුකාගාරය තුළම මියගොස් සිටියා .කෞතුකාගාරයේ පරිපාලක වරයාද තමන්ගේ ලියන මේසය මත මියගොස් සිටියා .මෙම සිද්ධීන් පුවත්පත් වලට දැනගැනීමට ලැබීමෙන් අනතුරුව එක් පුවත්පත් වේදියෙකු මමි යේ ජායාරූපයක් ගැනීමට පැමිණිය .මමි ය මත මොහොතක් බලා සිටි ඔහු නික්ම නිවසට පැමිණි කාමරයට වැද හිසට වෙඩි තබාගෙන මිය ගිය .

පසුව කෞතුකාගාර බලධාරීන් විසින් මෙය කෞතුක භාණ්ඩ රැස්කරන පුද්ගලයකු ට විකුණුව .ඉන්පසුව ඇතිවුණ අවාසනාවන්ත සිදුවීම් වලින් අනතුරුව ඔහු නිවසේ අට්ටාලයක් සාදා ඒ මත තැන්පත් කරා .මේ අතර තුර ගුප්ත විද්‍යා පිළිබඳ හසල දැනුමක් ඇති මැඩම් හෙලේනා නම් කාන්තාවක් මමි ය පිළිබඳ ආරංචි වි ඔහුගේ නිවසට පැමිණෙනවා .මමි ය ඇති භූමියට පැමිණෙන විටම ඇය වෙව්ලමින් සිහි මූර්ජාවෙන් වැටෙනවා .පසුව ඇය මමි ය ඇති අට්ටාලය මතට නැගී එයට ළංවී සිටිනවා .ඔබට මෙම යක්ෂ ආත්මය පලවා හැරීමට පුළුවන්ද ? නිවසේ හිමිකරු ඇයගෙන් විමසන වා.........,,කිසිදු කලක නොහැකියි .නපුරු ආත්ම යේ නෂ්ටාවශේෂ තිබීමෙන් නපුරු දේ සිදුවෙයි .ඇගේ නින්දට බාධා කෙරෙන සියල්ලන්ටම සුවසේ නිදා ගැනීමට ඉඩ නොලැබෙයි ,,,, ඇය අඩ සිහිය තුළ පවසා සිටිනවා .......

ඉන්පසුව ඔහු නැවතත් මමි ය බාරගන්නා ලෙසට කෞතුකාගාරයෙන් ඉල්ලා සිටිනවා .එහිදී නැවත බාරගැනීමට ඔවුන් අකමැති වෙනවා .ඉන් ටික කාලයකට පසුව ඇමරිකානු පුරාවිද්‍යාඥ යකු විසින් සාධාරණ මුදලක් ද මෙය මිලදී ගන්නවා ..ඔහු මමි ය නැවක නග්ගා නිව්යෝර්ක් දක්වා ගෙන යාමට තීරණය කරනවා .............

.............1514 දෙනෙකුගේ අවාසනාවට ඔහු එය සඳහා තෝරා ගන්නේ 1912 අප්‍රේල් 10 තමන්ගේ මංගල චාරිකාව අරඹන RMS ටයිටැනික් නැව.තමන් සමඟ යක්ෂ වියරුව ඇති ආත්මයක් නැව් ගත වන බව ඔවුන් දැන නොසිටි කාරණයක් .පුරාවිද්‍යාඥ යා විසින් නැවේ පහත මාලයේ මිලදී ගත් කාමරයක මමි ය සුරක්ෂිතව තැන්පත් කෙරෙනවා .1914 අප්‍රේල් 14 දින රැයෙහි ආමන් රා රැජිනගෙ ආත්මය යක්ෂ වියරුව නොගි ලෙන නැව එහි මගින් සමගම සාප ලබනවා .ටයිටැනික් අනතුරකට භාජනය වීමෙන් පසුව කැපර්තීකා කාර්ය මණ්ඩලය එහි අයිතිකරු සමග මමි ය නැවතත් සුරක්ෂිතව බේරාගෙන නිව්යෝර්ක් බලා ගෙන යනවා

ඉන්පසුව ඇතිවු අවාසනාවන්ත සිදුවීම් වලින් පසුව මමි ය නැවතත් යුරෝපය බලා නැව් ගත කෙරෙනවා .1912..5..29 වන දින මගින් 840 ගේ ජීවිත අහිමි කරමින් ඒම නැව ද මුහුදු බත් වෙනවා .කෙසේ හො මමි ය නැවතත් සුරක්ෂිතව යුරෝපය බලා ගෙන යනවා .පසුව සිදුවන අවාසනාවන්ත මරණ හේතුවෙන් මමි යේ නිජබිම වු ඊජිප්තුව ට ආපසු ගෙන යාමට තීරණය කෙරෙනවා .මමි ය රැගත් නැව ඊජිප්තුව ට යන අතර මඟදී ජර්මානු සම්බැරින යක පහරකට ගොදුරුව දරුණු ලෙස හානි වි එහි මිනිසුන් දහස් ගණනකගේ ජීවිත උදුරාගෙන වියරුව සිටි යක්ෂ ආත්මයද රැගෙන ආමන් රා රැජිනගෙ මමි ය සමඟ මුහුදු පතුලේ තැම්පත උණු බව විද්‍යාඥයෝ විස්වාස කරනවා

(උපුටා ගැනීමකි)

කොප්පර මඩුවේ රාත්‍රිය ගතකරන එක විලියොන් මාමාගේ සිරිතය..මඩුවේ කොප්පර විශාල ප්‍රමානයක් දිනපතා වේලනු ලබයි දහවල් කාලයේදී ඔහුගේ පියානන් වු සීලිං සීයා සමග එක්වි කොප්පර වේලීම සිදුකර රාත්‍රි කාලයේ දී මඩුවේ හා කොප්පර වල ආරක්ෂාව වෙනුවෙන් රැය පහන් කරනු ලබන්නේ එහිමය. 

අැගේ පතේ මහන්සිය දුරුවන්නට විලියොන් මාමා විසින්ම උදේ රැයෙන්ම ගහෙන් බාගත් රාමුට්ටිය සමග සැන්දෑ යාමේ හාද වීම ඔහුගේ දිනචරියාවේ කොටසකි සිය තෙවැනි පුතුගේ සිතැගි හදුනන සීලිං සීයා හාමිනේ සකසා දුන් බත් මුලට අමතරව කටගැස්මක් රැගෙන එන්නට අමතක නොකරයි. කොප්පර මඩුවට සැතපුම් කාලක් පමණ දුරින් පිහිටි නිවසේ රැය පහන්කල දිනක් විලියොන් මාමාට මතක නැත අවුරුදු විස්සට කිට්ටු වෙච්ච සංදියේදි ඉදන් අවුරුදු තිහක් වෙච්චි මේ කතාව සිදුවූ කාලය තුරාවටම ව්ලියොන් මාමා නැත්නම් ඒ කාලයේ හැටියට විලියොන් තරුණයාගේ නිදියහන වූයේ මේ කොප්පර මඩුවයි.. සීලිං සීයා බත්මුල මඩුවේ රැදවුම් කුටියේ තබා පුතුට දියනා ගැනීමට ඉඩ ලබාදී කොප්පර මඩුවේ ඉතිරි කටයුතු සිදුකරයි. 

 .දියනා පැමිණි විලියොන් මාමා ගිනිමැලයක්ද අවුලුවා පියානන් පිටත්ව ගියපසු ලංතෑරුම සිය කුටියේ රදවා කටගැස්ම ලෙසට තිබූ බැදපු වැව්මාලු කූරියන් සමග රා මුට්ටියම සප්පායම් වූයේය .. ඉන් ඉක්බිති පලාත දෙවනත් වන්නට සීපද කීම ඔහුගේ විනෝදාංශයයි අවිවාහකයෙක් වූ විලියොන් මාමා සිය පාලුව තනිකම කාන්සිය මකා ගත්තේ ඒ අයුරිනි ඔහුගේ මධුර මනෝහර සීපද හඩ රැව් පිලිරැව් දුන්නා ගම්මානය පුරා... එදා උදුවප් මාසේ සීතල රැයක් එදත් සුපුරුදු ලෙසින් ඒ විදියටම කාලය ගෙවීගියා ..... 

නමුත් අනපේක්ෂිත සිද්ධියක් සිදුවුණා ඒ රාත්‍රියේදී ගෙජ්ජි නාදයක් හෝ ගෙජ්ජි වැලක් සැලෙන හඩක් අැසෙන්නට උනා කොප්පර මඩුව ආසන්නයෙන් ... සීපදය නතර කල විලියොන් තරුණයා කෑලි පහේ ටෝච් එක දල්වාගෙන ආරක්ෂාවට අැති කඩුවද සරම් පොටේ සගවා ගෙජ්ජි නාදය අැසුන කොප්පර මඩුව පිහිටි පොල්වත්තේ පහලට ගමන් කලා කොප්පර මඩුව දෙසට හෙමින් හෙමින් පැමිණි අමුත්තිය මුණගැසුණෙ එවිටයි ඒ සුදු පැහැති නාබර එලදෙනකි උබ හෙට අයිතිකාරයාට භාරදෙන්නම් කෙල්ලේ. පවසමින් එලදෙන මඩුව ආසන්නයේ පොල්ගසක ගැට ගසා සිය කුටිය වෙත පැමිණියා ඔහු ..... පුදුමයකි එහි උන්නා තවත් අමුත්තියක් අැය සුරූපී ලදකි ... ඔහු පුදුමයෙන් විමසුවා කවුද ඔබ කුමක් නිසා මෙහි පැමිණියේද මේ රාත්‍රියේ තනිපංගලමේ .. අයියා මගේ එලදෙන මේ පැත්තට මංමුළා වෙලා අැවිත් මම ඌව හොයාගෙනයි ආවේ ආන් එලදෙන ඉන්නවා මම ගහක ගැටගැහුවා ඔයා කොහෙද මම අැරලවන්නම් ගෙදරට... අනේ අයියා මම ගම් දෙකකට එහා මට උදව්වක් කරනවද තරහ නැතිව ... ඔව් මොකක්ද උදව්ව කියන්න ... මට අද රෑට නවාතැන් දෙන්න පුලුවන්ද මෙහෙ ... ගැහැණු කෙනෙක් කොහොමද මේ රාත්‍රියේ තනිපංගලමේ යන්නේ හා එහෙනම් ඉන්න මේ පැදුරු කෑල්ලේ තමා දෙන්නටම ඉන්න වෙන්නේ ... ඒකට කමක් නැහැ අයියා ... විලියොන් මාමා සිය බත් පතෙන් කොටසක්ද අැයට තිලිණ කලා සුන්දරම සේද සුදු ගවුමකින් සැරසුණු අැය පෙනුමෙන් ලමාතැනියක් ලෙසින් දිස්වූයේ ... ඝන අන්ධ කාර රාත්‍රිය උදා වූ නිසා දෙදෙනා පැදුරු කඩමල්ලේ ගුලි උනා සෙමෙන් අෑ විලියොන් තරුණයාගේ ගතට තුරුලු උනා නුහුරු නුපුරුදු ගැහැනියකගේ උනුසුමට ඔහුත් රහසින්ම ලොභ උනා ඒ රාත්‍රිය විලියොන් මාමාගේ ජීවිතයේ සුන්දර රාත්‍රියයි ............... පසුවදා අවදි වී බලද්දී ඒ සුන්දර ගැහැනිය සිටියේ නැහැ පොල් ගසේ ගැට ගසා එලදෙන නම් එලෙසින්ම සිටියා ඒ රාත්‍රියේ ඔහු සොයා පැමිණි අද්භූත ගැහැනිය කවුද ඉන්පසු කිසිදිනෙක විලියොන් මාමාට අැය මුනගැසුනේ නැත

අැය අමනුෂ්‍යයෙක් නම් අැගේ ස්පර්ශය දැනුනේ කෙසේද... අැය මෝහිනී නම් අවතාරයද...? නැත්නම් මනුෂ්‍ය දුවක්ද අදටත් නොවිසඳුණු ගැටලුවකි

Source: Link

හැමදාම අපිට අහන්න දකින්න ලැබෙන්නේ , මිනිස් වෙසින් පැමිණෙන හොලම් අවතාර ගැනනේ, අද කියන්න හදන්නේ වෙනස්ම කතාවක් ,
ඔබ අතිනුත් බළලෙක් මිය ගියාද ???? එහෙනම් පොඩ්ඩක් මේ කතාවත් කියවල බලන්නකෝ ......

පිලි ගැනීම නොපිළිගැනීම ඔබට බාරයි , හැබැයි මෙහෙම දේවලුත් වෙලා තියෙනවා කියන එක අමතක කරන්න එපා !!!
උපුටා ගැනීමකි සත්‍ය අසත්‍යතාවය තීරණය කිරීම ඔබට බාරයි ....

එදා මාර්තු 21 වෙනිදාවක් බව කෙසේනම් අමතක කරන්නද ? මේ දිනය දැන් මාගේ ජීවිතයට සම්බන්ධවී ඇත්තේ එය මාගේ උපන්දිනය නිසාම පමණක් නොවේය. එදා, උපන් දිනය සැමරීම සඳහා අප රාත්‍රී ආහාර වේල පිටින් ගත යුතුයැයි යෝජනා කෙරුවේ තාත්තාය. මුලු සන්ධ්‍යාවම පාහේ පිටත ගතකොට රාත්‍රී ආහාර වේලද ප්‍රසිද්ධ ආපන ශාලාවකින් රැගෙන අප පස් දෙන නැවත නිවස බලා ඒමට පිටත් වන විට රාත්‍රී එකොලහත් පසුවී තිබුණි. තාත්තා වෑන් රථය ධාවනය කළ අතර මම ඉදිරි පස වම් පස අසුනට බරවී සිටියෙමි. අම්මාත් අක්කාත් මල්ලීත් පිටුපස අසුනේය. වාහන නොමැති කමින් පාර පාළු ස්වාභාවයක් ගෙන තිබූ බැවින් තාත්තා සැලකිය යුතු වේගයකින් රථය ධාවනය කළේය. එය සිදුවූයේ ඉතා හදිසියේය. එක වරම වැන් රථයට මීටර දහයක් පමණ දුරින් පාර හරහා දිව යන කළුම කළු බළලෙකු විය. ඌ කොහෙන් කෙසේ ප්‍රාදූර්භූත වූයේ දැයි අදහා ගැනීමටවත් නොහැකි වූ ඒ නිමේෂයේදී තාත්තා වැරදි තීරණයකට යොමු විය. හදිසි තිරිංග පහරින් පැත්තට විසිවී ගිය වෑන් රථය දකුණු පස වූ තාප්පයේ ඉතා තදින් වැදුණේ එයද අනිත් පසට පෙරළා දමමිනි. අනතුරින් සිහිසන් වූ මා රෝහලේදී නැවත සිහිය ලබා ටික වේලාවකින් තාත්තා හා අක්කා අප හැර ගොස් ඇති බව දැනගෙන රෝහලේ වහල ගැලවී යන තරම් හයියෙන් කෑ ගසා හඬා වැටුණි. මාගේ උපන් දිනය අප නිවසේ දෙදෙනෙකුටම සිය ජීවිතයේ අවසන් දිනය වී තිබුණි.

හදවත්හී ඇතිවූ තුවාලයන් කෙමෙන් කෙමෙන් සුවපත් කරමින් කාලය ගලා ගියේය. නෑසිය මිතුරන්ගේ, අසල්වැසියන්ගේ සැනසිලිදායක වදන් අපට යථා තත්ත්වයට පත්වීමට මහඟු පිටිවහලක් විය. අනිත්‍යය හා අටලෝ දහම සිහිකොට එය අපට පමණක් සීමා නොවූ ඉරණමක්යැයි සිතා සිත් සාදා ගත්හ. අවසන තාත්තාත්, අක්කාත් නොමැති ජීවිතයකට අප හුරු වූහ.
වසරක් ගෙවුණි. මාගේ උපන් දිනයත්, තාත්තාගේ හා අක්කාගේ සැමරුමත් එකට යෙදී තිබුණද උපන් දිනය සපුරා අමතක කළ අප වර්ෂ පූර්ණ පින්කම් සඳහා ලක ලෑස්ති වූහ. කිසිසේත් බලාපොරොත්තු නුවූ ලෙස එදිනම මාරාන්තික දෙවන ප්‍රහාරයද එල්ල වූයේ අපගේ ස්නායු භීතියෙන් හිරිවට්ටවමිනි. වර්ෂ පූර්ණය වෙනුවෙන් අම්මාත් මමත් මල්ලීත් කනත්තට ගොස් තාත්තාගේත් අක්කාගේත් සොහොන් අබියස ඉටි පන්දම් දල්වා, අලුතින් මල් පොකුරු තැන්පත් කොට ඔවුන් සිහි කර පින්පතා නැවත එමින් සිටිහය. අප කනත්ත අයිනෙන් වූ මාවතෙහි වම් පසින් ගමන් කරමින් සිටි අතර හදිසියේම කනත්තෙහි වැටෙන් රිංගා පාරට පැමිණ අප දෙසට එකිනෙකා ලුහු බැඳන් එන බළලුන් දෙදෙනෙකු වූහ. එකෙක් සුදු පාට බළලෙකු වූ අතර ඌව හඹා ආ අනෙකා තදම තද කළු පැහැති බළලෙකි. සුදු බළලා අම්මාගේ පාදයක් අසලින් දිව යන විට කළු බළලා ඇයගේ දෙපා අතරින් දිව ගියේ විදුලි වේගයකිනි. මෙයින් කලබලයට පත් ඈ කෑගසමින් අහකට පැන්නේ සතුන්ව මග හැරීම සඳහාය. අවාසනාවක මහත ! කලබලවූ අම්මා එක් වරම පැන්නේ පාර දෙසටය. පිටුපසින් ආ බස් රථය ඇයව යට කරගෙන ඉදිරියට ගොස් නතර විය. අභ්‍යන්තර රුධිර වහනය හා සුසුම්නාව බිඳි යාම නිසා දින දෙකක් රෝහලෙහි අධික ලෙස වේදනා විධි ඇය අවසන මමත් මල්ලීත් මෙලොව හුදකලාකොට අප අත්හැර තාත්තා සහ අක්කා වෙතට ගියාය.

එකිනෙකා විවිධි විවිධ මත ඉදිරිපත් කළහ. සමහරුන් මුහුණට නොකීවද එය මාගේ අවාසනාවක් නිසා වෙන දෙයක් බව කියා තිබූ බව මට කණින් කොනින් ආරංචි විය. ඒ මෙම සියලු මරණ වලට බලපෑ හේතුව මාගේ උපන් දිනය දවසේම සිදුවී තිබීම නිසාය. සමහරුන් බලි තොවිල් ශාන්ති කර්ම ආදී කටයුතු කිරීමට යෝජනා කළ අතර සමහරෙක්ගේ මතය වුයේ අප ප්‍රදේශය අත් හැර යා යුතු බවය. තාත්තාගේත් අක්කාගේත් මරණයට සහභාගී වූ පිරිසෙන් අඩක්වත් අම්මාගේ මරණයට නොවූහ. සිදු වන්නේ කුමක්දැයි මටවත්, මල්ලීටවත් නිසියාකාරයෙන් නිශ්චය කරගැනීමට නොහැක. කුමක් නමුත් අපගේ පාලනයෙන් තොර අමුතු දෙයක් සිදුවන බවක් අපට හැඟුණි. කාලය ගතවීමත් සමඟ අප දෙදෙනා නැවතත් සාමාන්‍ය නොවුණත් එදිනෙදා ජීවිතයට හුරු වූහ. නිවස එකම පාළු අම්බලමක් වී තිබුණි. අප දෙදෙනාම ගෙදර සිටින වේලාවකදී වූවත් අප අතර වැඩි කතා බහක් නොවුණි. දැන් දැන් අප ඇසුරු කරනා යාළු මිත්‍රාදීන්ද හිඟය. අප පවුලම කුමක් හෝ සාපයකට ගොදුරුවී ඇතැයි අනුමාන කළ ඔවුන් ක්‍රමක්‍රමයෙන් අපගෙන් ඈත් වෙමින් සිටියහ.

ඊළඟ මාර්තු 21 වෙනිදාව උදාවූයේ අප දෙදෙනාගේම හදවත් භීතියෙන් සලිත කරවමිනි. එදින උදයේම අවදිවූ මා දෙවියන් බුදුන් සිහිකර අප දෙදෙනා වෙනුවෙන්ම ආරක්ෂාව පැතුවේය. කිසිඳු අතුරු අන්තරාවකින් තොරව මේ දිනය පහු කර ගැනීමට ලැබේවායි පැතුවෙමි. දෙදෙනාම එදින නිවාඩු දමා ගෙදරට වී සිටියේ අනතුරකට ලක්වීමේ ඉඩ අහුරාලනු වස්ය. නමුත් සිද්ධවීමට ලියවී ඇති දෑ කෙසේනම් වළකාලම්ද !

එදින දහවල් දිවා ආහාරයෙන් පසුව අප දෙදෙනා සාලයේ අසුන් ගෙන රූපවාහිනී යන්ත්‍රය නරඹමින් සිටියහ. හදිසියේම ඇසුණු බළල් පොරයේ හඬට අවධානය යොමු කර පිටත බැලූ අපට, අපගේ බළලා ලුහු බැඳ එන කළු පාට බළලෙකු දිස් විය. අපගේ බළලා ආරක්ෂාව පතා ගෙට වැදී පුටුවක් යටට රිංගුවේය. එහෙත් කළු බළලාද ඌ හඹා විත් පුටුව යටදීම පෙරළාගෙන සපන්නට විය. මෙයින් කෝපාවිෂ්ට වූ මල්ලි අප බළලාව බේරාගැනීම සඳහා එතනට ලංවන විටදීම ඔහු වෙතට කඩා පිනූ කළු බළලා ඔහුව සපා කා පැන දිවීය. දත් පහරවල් හතරක් සමඟින් නියපොතු පහරවල් කිහිපයක් ඔහුගේ දකුණතෙහි විය. ඒවා එතරම් බරපතල තත්ත්වයේ නොවූ හෙයින් ඔහු බේත් දමා ගැනීමට යාම ප්‍රතික්ෂේප කොට ගොඩ වෙදකමකින් සෑහීමකට පත් විය. අප දෙදෙනාට කිසිඳු අනතුරකින් තොරව මාර්තු 21 ගෙවී ගියේය. ඒ ගැන අප බොහෝ සතුටට පත්වූ අතර කිසියම් හෝ අසුබ දෙයක් තිබුණිනම් එය අවසන් වී ඇතැයි අප අනුමාන කළහ.

එතැන් සිට මාස දෙකක් ගෙවුණ තැන මල්ලීගේ හැසිරීමෙහි යම් අමුත්තක් මා හට දිස් විය. ඔහු සාංකාවෙහි හා විශාදියෙහි මූලික ලක්ෂණ පෙන්නුම් කර සිටියේය. එක දිගට පැමිණි කරදර වැල නිසා එසේ වන්නට ඇතැයි අපි අනුමාන කෙළෙමු. එහෙත් එන්න එන්නම තත්ත්වය නරක අතටම හැරුණි. ඔහු මහ රෑ හදිසියේම අවදිව භීතියෙන් කෑ ගැසීමට පටන් ගත්තේය. යම් යම් රූප හා ඡායාවන් පෙනෙන බවට සඳහන් කළේය. ඔහුට කිසිඳු දියර වර්ගයක් පානය කළ නොහැකි වූ අතර මුත්‍රා පිට කිරීමෙහි පාලනයද ඔහු වෙතින් ගිලිහී තිබු බැවින් නිතරම ඇඳ තෙමීම ඔහු අතින් සිදු විය. කිසිවකුගේ හව්හරණක් නොමැතිව මෙම කරදරයට මුහුණ දීමට මා හට සිදුවී තිබුණි. කළ යුතු කිසිඳු ප්‍රතිකර්මයක් නොදුටු තැන අවසන මා ඔහු රෝහලට ඇතුළත් කෙරුවේය. අවාසනාවකි ! ඔහු ජලභීතිකා රෝගයෙන් ඔත්පලව සිටින බැව් වෛද්‍යවරුන් මාහට පවසා සිටියේ එයට කිසිඳු ප්‍රතිකර්මයක් මේ වන විට සොයාගෙන නොමැති බවද දන්වමිනි. මාගේ මුලු ලොවම නැවතත් මා හිස මත කඩා වැටෙමින් තිබුණි. මා හට මෙලොවෙහි වූ එකම හිතවතාද මා හැර යාමට සූදානම් වෙමින් රෝහලෙහි ඇඳක් මත දගලමින් සිටියේය. තවත් දින දෙකක් පෙරකී රෝග ලක්ෂණයන්ගෙන් බැට කෑ මලණුවන් අවසානයේදී මා තනිකර යන්නටම ගියේය. මෙම දරුණු ප්‍රහාරය ඉවසා දරා ගැනීමට තවමත් මාහට ශක්තිය තිබීම ගැන විටෙක මමම පුදුමයට පත් වීමි. වසරක් පාසා එකින් එක මාගේ සමීපතමයන් මා හැර යද්දීත් තවමත් මා නිරුපද්‍රිතව හොඳ සිහියෙන් පසු වීම විටෙක මටම අදහා ගැනීමට නොහැකි තත්ත්වයකි. සැබවින්ම මා ජීවත් වේද ? නැතහොත් මා මේ දකින්නේ සිහිනයක්ද ? මා ඔවුනට පෙර මිය ගොස් ඔවුන්ගේ මරණයන් කොහේ හෝ සිට නරඹමින් සිටින්නේද ?

මල්ලිගේ දේහය නිවසට ගෙන යාමට මම ප්‍රතික්ෂේප කළ බැවින් රෝහල මුල්වී අවසන් කටයුතු සිදු කර දමන ලදී. නෑ හිත මිතුරන් සියල්ලම පාහේ බොහෝ දුරට අප අත් හැර සිටි බැවින් මළ ගෙයි කටයුතු වෙනුවෙන් හෝ ඔවුන් සහභාගී වෙදෝයි මා හට වූයේ සැකයකි. මළ මිනියක් සමඟින් නිවසේ තනිවීම මා උමතු කරවන්නක් වීමට ඉඩ තිබුණි.

මල්ලීගේ මරණයත් සමඟින් මෙතෙක් මා පිළිගැනීමට අදිමදි කළ එක් දෙයක් අකමැත්තෙන් හෝ පිළිගැනීමට වී තිබේ. ඔව්, අප පවුලට කිසිවකුගේ හෝ සාපයක් වැදි ඇත. එහෙත් ඒ කාගේ සාපයද ? දන්නා තරමින් අප කා හට හෝ අහිතක්, නපුරක්, අනතුරක් සිදු කොට නොමැත.

සිදුවන්නේ කුමක්දැයි අදහා ගැනීමට නොහැකිව අඳුරෙහි අතපත ගාමින් සිටි මාහට ඉතා අහඹු ලෙස ප්‍රහාරකයා හෙළිදරව් කරගැනීමට හැකි විය. මා දැන් විශ්වාස කරනා අන්දමට අවසාන ඉලක්කය වූ මා වෙත ප්‍රහාරය එල්ල කිරීමට පෙර තමාව හඳුන්වා දීමට ඌට උවමනා වූවා වැනිය. මෙතැන් සිට කතාව කීමට මම මදක් පැකිලෙමි. ඒ ඔබ මා අන්ධ විශ්වාසයන් ඇති මිථ්‍යාදෘෂ්ටිකයෙකුයැයි අනුමාන කිරීමට ඉඩ ඇති බැවිනි. නමුත් මාගේ ඉන්ද්‍රියනට වැටහෙනා පරිධි මෙම ඛේදවාචකයට මීට වඩා තේරුමක් දිය නොහැකිය.

ඉතා අහඹු ලෙස ඔබගෙන් කෙනෙකු ( අදාල නොවන බැවින් මම ඔහුගේ නම හෙළි කිරීමෙන් වැළකෙමි ) හා කළ සංවාදයකදී මා හට එඩ්ගා ඇලන් පෝ නැමති ඇමෙරිකානු ලේඛකයාගේ කෘති අඩංගු අඩවියකට සබැඳියක් ලැබුණි. එහි වූ කතා විශාල ගණනක් අතරින් එකවරම මාගේ අවධානය The black cat කතාව වෙතම යොමු වූයේ මන්දැයි මම තවමත් සිතමි. එය කිසිවකුගේ අදෘශ්‍යමාන මගපෙන්වීමක්යැයි විශ්වාස කිරීමට මා කැමතිය. මා එම කතාව කියවා අවසන් කෙරුවේ ලොමුදැහැගැන්වීය. ඒ එම කථාවෙහි වූ කිසිඳු භයානක කමක් නිසා නොව එය මාගේ එක් දුෂ්ට ක්‍රියාකාරකමක් හා 100%ක් ගැළපීමේ අපූරු සමානකම නිසාවෙනි. එය එසේ සිදු විය හැකිද ? මා විසින් සැබවින්ම කළ ක්‍රියාකාරකමක් එලෙසින්ම අතීතයෙහි වූ ලේඛකයෙකු ලියා තැබුවේ කෙලෙසද ? මෙම කතාව කියවීමෙන් පසු මෙතෙක් මාහට සම්පූර්ණයෙන්ම අමතකව තිබූ, අතීතයේ මා කළ ඒ මහා පාපය මාගේ දෑස් ඉදිරියෙක් මැවී පෙනෙන්නට විය. ඒ සමඟම අපගේ පවුලේ සෑම සාමාජිකයෙකු මිය යාමට ප්‍රථම ප්‍රාදූර්භූත වූ ඒ මහා පොදු සාධකය, කාලවර්ණ නපුරු යක්ෂ බළලා මාගේ දැස් ඉදිරියෙහි මැවී පෙනුණි. ඔව් එය එසේම විය යුතුය. ඒ ගැන මා හට අබමල් රේණුවක තරම්වත් අවිශ්වාසයක් නොමැත.

මෙම බිහිසුණු පලිගන්නාගේ අවසාන ඉලක්කය මා බව දැන් සක්සුදක් සේ පැහැදිලිය. තාත්තාව සහ අක්කාව මුලින්ම ක්ෂණිකව මිය යාමට සලස්වන්නේ අන් අයගේ මරණයන් තුළින් ඔවුනට ඇතිවෙන වේදනාව වැළැක්වීමට හා ඔවුන්ගේ මරණයන් තුළින් අප තිදෙනා වේදනාවට පත් කිරීමට බව දැන් මා හට ප්‍රත්‍යක්ෂය. මන්ද යත් ඔවුන් දෙදෙනා මේ මහා පාප කර්මයට කිසි ලෙසකිඳු හවුල් නොවූ බැවිනි. අම්මා මද කෙටිකාලීන වේදනාවකුත්, මල්ලී ඊට වැඩි වේදනාවකුත් විඳ මිය ගියේ ඔවුන් මෙම පාපයට හවුල් වූ ප්‍රමාණයේ අනුපාතයට බව සැකයක් නොමැත. මෙසේ බලන කළ මෙම පාපයේ ප්‍රධාන භූමිකාව නිරූපණය කළ මා වෙත මෙම පලිගන්නාගේ සැලසුම මොන තරම් බිහිසුණු එකක් වේදැයි හිතා ගැනීමටවත් නොහැක. එය අති බිහිසුණු සෙමෙන් සෙමෙන් ළඟාවන විනාශයක් බවනම් සහතිකය. මෙතෙක් සිදු වී ඇත්තේ අන් අයගේ මරණයන් තුළින් මා දරුණු චිත්ත පීඩාවකට ලක් කිරීම පමණකි. මා හට උරුම සැබෑම දඬුවම තවමත් මා වෙනුවෙන් බලා සිටී. ඒ දිනය එන තෙක් බලා සිටී.

මම ඌට ආදරයට කපූ කිවෙමි. ඒ කළු පූසා යන්න කෙටි කරය. මුළු ශරීරයේම වූ සෑම මවිල් ගසක්ම තද කළු පැහැයෙන් යුක්ත වූ මෙම බළලාගේ එකඳු සුදු හෝ වෙන යම් වර්ණයක් සොයා ගැනීමට නොහැකි විය. කට දෙපසින් වූ සන්වේදක ස්පර්ශකයන් පවා තද කළු පැහැයෙන් යුක්ත වූහ. මුලින් මුලින් ඉතා හුරතල් බළලෙකු වූ කපූ අප සැමගේ ආදරයට පාත්‍ර විය. උගේ ආගමනයත් සමඟින් නිවසෙහි අරක්ගෙන සිටි මීයන් අදෘශ්‍යමාන වීමෙහි ගෞරවයද අපි නොඅඩුවම ඌටම පිදුවෙමු. එහෙත් පසු කලෙක මෙම සත්වයාගේ ඇතිවූ නොමනා හැසිරීමක් නිසා අප හට ඌ එපා වෙමින් පැවතුණි. නිවසේ උයා පිහා තැබූ කෑම වලඳේ සිට මේසයට බෙදා තිබූ බත් පත දක්වා හොරා කෑමට ඌ පසු බට නොවීය. එතකින් නොනැවතී අසල්වැසියන්ගේ නිවෙස් වලින්ද සොරා කෑමට පටන් ගැනීම නිසා අප ඔවුන්ගේ දෝෂාරෝපණයටද ලක් වූහ. කෙතරම් දඩුවම් කළත් මෙම සත්වයාගේ මෙම කැත පුරුද්ද අත් හැරීමට සූදානම් වූයේ ඌ නොවේය. මේ සම්බන්ධයෙන් වැඩියෙන්ම ප්‍රකෝපව සිටියේ අම්මාය. එයින් වැඩියෙන්ම පීඩා වින්දේ ඇය බැවින් එය ස්වාභාවිකය.

එය, උක්ත රිය අනතුර සිදුවී තාත්තාත්, අක්කාත් මිය යාමට පෙර වසරේ මාගේ උපන් දිනයයි. මෙවර උපන් දිනය යාළුවන් කිහිප දෙනෙකුටද අරාධනා කොට මදක් උත්සවාකාරයෙන් ගැනීමට අප සැලසුම් කළහ. එදින සවස මුළුතැන්ගෙයින් ඇසුණු අම්මාගේ ගෝරනාඩුව ඇසී මා එදෙසට යන විට පෙර දින ඈ විසින් පිළියෙල කොට කපුවාට විවෘත්ත කළ හොහැකියැයි විශ්වාස කළ ලෙස වසා ඉහළින් තබා තිබුණු කේක් ගෙඩිය බිම වැටී තිබුණ අතර එයින් සැලකිය යුතු ප්‍රමාණයක් ඌ විසින් කා දමා තිබුණි.

"මූව මැරුවත් හිත්වදින්නෑනෙ මේ කරපු වැඩේට. මටනම් මේ යක්ෂ බළලත් එක්ක තවත්නම් බෑ මේ වැඩේ කරන්න. එක්කෝ ඕකව කොහෙට හරි ගිහින් දාපල්ලා, නැත්නම් මරලා දාපල්ලා. කොච්චරක්නම් කියලා ඉවසන්නද මේ වදේ ? " ඒ ආවේගශීලීව බැණ වදින අම්මාය. එය මෙයින් ප්‍රකෝපව සිටි මාගේ ගින්නට දැමූ පිදුරු විය. දඩුවම් කිරීමට සිතා සොයා බලන විට කිසිවක් නොවූ ආකාරයෙන් පුටුවක් උඩට වී අත පය දිගෑරගෙන නිදා සිටි බළලා දුටු මාගේ ප්‍රකෝපය දෙගුණ තෙගුණ විය. කෑ ගසන විටම බෙල්ලෙන් අල්ලා ගෙන රෙදි කඩකින් උගේ මුහුණ වැසූ මා ඌට දරුණු ලෙස පහර දුනිමි. මෙයට මල්ලීද හවුල් විය. බළලා අඩපණ වෙන තෙක්ම අපි ඌට පහර දුනිමු. එහෙත් තවමත් මාගේ සිතට මදිය. අතට හසු වු පටියකින් මා උගේ ගෙල සිර කොට බැඳ කුස්සියෙහි උළුවස්සෙහි එල්ලා නැවතත් තදින් පහර දුන්නේය. එල්ලා ඇති පන්දුවකට ක්‍රිකට් පිත්තකින් පහර දෙන්නාක් මෙන් ඌට පහර දුන්නේය. වදින සෑම පහරක දිම කොන්ද වකුටු කොට, අත් පා එකට ලංකරමින්, යටි ගිරියෙන් ඤාව් හඩ නිකුත් කරමින් බළලා කෑගැසීය. එය "අනේ මාව බේර ගන්න" වැනි ඉල්ලීමක් වන්නට ඇත. එහෙත් අවාසනාවකට මා හට බළල් භාෂාව නොතේරුණි. ටික වේලාවකින් බළලා නිශ්චල විය. ඒ ඌ අඩ පණ වූ නිසායැයි මම සිතුවෙමි.

තාත්තාත්, අක්කාත් උත්සවයට අවැසි බඩු වගයක් ගෙන ඒමට කඩයට ගොස් නැවත පැමිණියේ අප මෙසේ චූදිතයාව එල්ලුම් ගස් යවා අහවර වූ පසුවය. කර ඇති අපරාධය දුටු තාත්තා දුන් කම්මුල් පහරින් මා විසිවී ගොස් බිම වැටුණි. අක්කා වහ වහා ලණුව ලිහා බළලාව නිදහස් කර ගත්තද ඒ වන විටත් ඌ අවසන් ගමන් ගොස් තිබුණි. මෙය මා කිසි විටෙකත් අපේක්ෂා නොකළ දෙයකි. බළලුන්ගේ පණ හයිය බැවින් ඔවුන් ලෙහෙසියෙන් නොමැරෙන්නන් ලෙස මම විශ්වාස කළෙමි. එම විශ්වාසයම පෙර කී දරුණු දඬුවමට මා යොමු කළේය. එහෙත් මාගේ විශ්වාසය වැරදී තිබුණි. හිතවත / හිතවතිය මම ඔබට මේ අවසන් මොහොතේ සත්‍යයක් කියමි. මට කපුවාව මැරීමේ කිසිඳු චේතනාවක් නොතිබුණි. එය අප පවුලේ සිව් දෙනෙකු මේ වන විට මිය ගොස් ඇතැයි තරමටම සත්‍යයකි. මට ඒ සම්බන්ධයෙන් ඕනෑම තැනක දිව්රිය හැකිය, චේතනාව කුමක් වූවත් මා අතින් එම අපරාධය සිදුවී තිබුණි.

ඔබ එඩ්ගා ඇලන් පෝ ගේ මතු සඳහන් කෘතිය කියවා ඇත්නම් බළලාට හිංසා කිරීමට ඝාතකයන් දෙදෙනාම යොදා ගන්නා ක්‍රමවේදයේවූ ඒ අපූරු සමානත්වය දකිනු ඇත. සමහරවිට එය කළු බළලෙකු මැරීම සඳහා කාල, ද්වීප, දේශ නොසලකා දෛවයෙන් නියමවී ඇති ක්‍රමවේදය වන්නටද හැකිය. ඒ සමානත්වය නොවන්නට මා පසු පස හඹා එන මේ ශාපය පිළිබඳව නොදැනුවත්වම මා එයට ගොදුරු වනු නියතය. අඩුම තරමින් මම එසේ විශ්වාස කරමි.

තව හෝරා කිහිපයකින් ඒ බිහිසුණු දවස උදාවනු ඇත. ඔව් හෙට මාගේ උපන් දිනයයි. මේ දක්වා වූ සියල්ල විශ්ලේෂණයකොට බැලීමේදී හෙට දිනයේදී ඒ කළු බලලා මා ඉදිරියෙහි දර්ශනය වන බව හෙට හිරු නැග එන්නාක් මෙන්ම නිශ්චිතය. මෙවර ඌ පැමිණෙනේ මාරාන්තික ප්‍රහාරයටය. තම නියම සතුරා වෙත ඉලක්කය බලා එල්ල කරනා, තම සතුරා අඩපණ කොට, දීර්ඝ කාලයක් විඳවීමට සලස්වා ක්‍රමක්‍රමයෙන් මරා දමනා ඒ බිහිසුණු ප්‍රහාරයටය. දාමාව කැපීමට ප්‍රථම ඌ වටා ඉන්නා ආරක්ෂක ඉත්තන් කපා ඉවත්කරන්නාක් මෙන්, මා වටා සිටි සියලු හිතවතුන් ඌ විසින් කපා ඉවත් කොට මා හුදකලාකොට තිබේ. මේ ප්‍රහාරය මට දරාගත නොහැකිය. ඒ ගැන සිහිවන විටත් මා සියොලඟම දහදියෙන් තෙත්ව, අප්‍රාණික වී යයි. ඔව්, මා ඉස්සර විය යුතුය. ඒ බිහිසුණු කාලවර්ණ මරණයේ දූතයා සම්මුඛ වීමට ප්‍රථම මා ඉස්සර විය යුතුය.

ප්‍රිය හිතවත / හිතවතිය වෙන්ව යාමට කලින් ලද අත්දැකීම් ඇසුරෙන් යමක් පැවසීමට අවසර ! කිසි දිනෙක, කිසි විටෙක, කිසිම හේතුවක් අරභයා සම්පූර්ණයෙන් කාල වර්ණ බළලෙකුව ඝාතනය කිරීමට එඩිතර නොවන්න. එය ඔබව විනාශය කරා රැගෙන යනු ඇත. ඔවුන් වනාහී සූක්ෂම පළිගන්නන්ය. එද්මොන් දාන්තේ පවා අභිබවා යන අති සූක්ෂම පළිගන්නන්ය.

එපමණක් නොව කිසිඳු කුඩා සතෙකු උවද ඝාතනය කිරීමෙන් වළකින්න. ඔබට එය සුළු සිදුවීමක් වූවත් ඔවුනට එය ජීවිතය පිළිබඳ ගැටලුවකි. අප සිදු කොට අමතක කරදමනා කුඩා වුවත් පාපකර්මයන්ගේ ප්‍රති විපාක කෙතරම් බිහිසුණුද යන්න වටහා ගැනීමට ඔබට මාගේ කතාව ඉවහල් වනු ඇතැයි සිතමි ... !!!!

උපුටා ගැනීමකි . සියලුම හිමිකම් මුල් රචකයා සතුයි