හොල්මන් කතා

21 May 2019

---හොල්මන් අවතාර එක්ක කරන සෙල්ලම්---

මං අද ඔයාලට කියන්න යන්නේ මිනිස්සු හොල්මන් අවතාර එක්ක කරන සෙල්ලම් ගැන.මේවගේ games ගොඩක්ම ප්‍රසිද්ද යුරෝපානු රටවල් වල තමයි.ඕනේ තරම් films වලත් ඔයාල දාකලා ඇති මේ වගේ දේවල්

මං මුලින්ම කියන්නම් bloody mary ගැන. මේක mary කියන කෙල්ලගේ අවතාරට ගෙන්නගන්න ක්‍රීඩාවක්.මේක කරන්න ඕනේ ඔයා තනියම ගෙදර ඉන්න වෙලාවට.ගෙදර සේරම ලයිට් නිවන්න ඕනේ. කිසිම කාමරේක ලයිට් තියෙන්න බෑ.ඔයා තනියෙම ඉන්නත් ඕනේ.

ඊට පස්සේ ඔයා bathroom එක ඇතුලට යන්න ඕනේ ඉටි පන්දම් තුනක් විතර පත්තු කරගෙන. ඒ ඉටි පන්දන් කන්නාඩිය ඉස්සරහින් ගහලා.කන්නාඩිය ඉස්සරහට හිටගෙන ඉන්න ඕනේ. ඔයාට ඉටි පන්දම් එලියෙන් ඔයාගේ මූණ කන්නාඩියෙන් පේන්න ඕනේ

මේ විදියට ඉඳලා කීපා වතාවක් කන්නාඩිය දිහා බලාගෙන bloody mary කියලා කීප වතාවක් කියනකොට ඒ bloody mary ගේ අවතාරය කන්නාඩියෙන් පේනවා කියලා යුරෝපානු මිනිසුන් විස්වාස කරනවා.

මේ වගේම කතාවක් තමයි "baby blue " කියන්නේ. ඒකෙදී මතවාද දෙකක් තියෙනවා.ඔයාල දන්නවනේ bathroom එකේ අපි උණු වතුරෙන් නෑවම කන්නාඩියේ මීදුම බැඳෙනවා.මේ සෙල්ලම කරන්න එහෙම කන්නාඩියේ මීදුම බැඳෙන්න ඕනේ කියනවා. කලින් වතාවේ වගේම ගෙදර ලයිට් off කරලා කන්නාඩිය ඉස්සරහට ගිහිල්ලා
"බේබි බ්ලූ-බ්ලූ බේබි" මේ වාක්‍ය 13වතාවක් කියන්න ඕනේ.

ඒ කියන අතරතුර ඔයා ලමයෙක් නලවන විදියට අත තියාගෙන ලමයෙක් නලවද්දී දෙපැත්තට පැද්දෙනවා වගේ පැද්දී පැද්දී තමයි මේක කියන්න ඕනේ.
(හිතෙන් මවාගත්ත ලමයෙක් නලවන ගමන් මේක කරන්න ඕනේ)

ඉතිං ඔයා 13 වතාවක් ඒ වාක්‍ය කිව්වම ඔයාගේ අතට ඇත්තටම බේබි බ්ලූ එනවා කියලා තාමයි විස්වාස කරන්නේ. බබාගේ බර ඔයාට හොඳටම දැනෙනවා කියලා තමා කියන්නේ.

බබා අතට ආවට පස්සේ ඔයා එයාව නලවන්න ඕනේ. එහෙම නලවද්දී එක වෙලාවක ඒ බබා ඔයාගේ අත සූරනවා. ඒ වෙලාවෙදී ඒ ලනයව කොමඩ් එකට දාල ෆ්ලෂ් කරන්න ඕනේ.
එහෙම හරියට කරොත් එතනින් සෙල්ලම ඉවරයි.

හැබැයි ලමයව බිමින් තිබ්බොත් හරි අතට ආවම හෝ අත සූරද්දී ඔයා බයවෙලා ලමයව අතෑරියොත් හරි ලමයා බිම වැටෙනවා.ඒ වැටුනම බබා අඩන්න ගන්නවා. බබා ඇඩුවොත් බ්ලූ බේබිගේ අම්මා ඇවිල්ලා ඔයාව මරලා බබාව අරන් යනවා.

හදිස්සියේවත් බබා වැටුනොත් කොහොම හරි ආයේ බබාව හොයාගෙන කොමඩ් එකට දාල ෆ්ලෂ් කරන්න ඕනේ. නැත්තන් සෙල්ලම ඉවර වෙන්නේ නෑ.

තව සමහරු කියනවා කලින් කිව්ව වගේ කන්නාඩියේ මීදුම බැඳෙන්න ඕනේ නෑ කියලා.ලයිට් වහලා ඉටිපන්දමක් අරන් bathroom එකට ගිහිලා මේක කරාම ඇති කියලා තමා එයාලා කියන්නේ.

ඉතිං මේවා මං ගොතපු කතා කියලා කාට හරි හිතෙනවනම් youtube එකේ serch කරලා බලන්න"bloody mary , blue baby" මේ සෙල්ලම කරලා දාපු video තියෙනවා.

මම හිතන විදියට මේවා නම් 100% ඇත්ත වෙන්න බෑ. ඒත් කන්නාඩි එක්ක හොල්මන් අවතාර වලට ලොකු සම්බන්යක් තියෙනවා කියලනම් මට 100% විස්වාසයි

ඒකට හොඳම උදාහරනය තමයි කෙනෙක් මැරුනම ගෙදර සේරම කන්නාඩි අනිත් පැත්ත හරවලා රෙද්දකින් වහනවා. මේක දන්නේ නැති කෙනෙක් ඉන්නවනම් හොයලා බලන්න.මල ගෙවල් වල කන්නාඩි සේරම වහනවා. ඒ මැරුන කෙනාගේ ආත්මේ අතරමන් වෙන නිසා කියලා තමා කියන්නේ.

අපේ නැන්දා කෙනෙකුත් කන්නාඩියෙන් එයාගෙම මූන විකෘති වෙලා දැකලා බයවෙලා තියෙනවා.ඉතිං යාළු කන්නාඩිවලින් රෑ වෙලා මූණ බලද්දී පරිස්සමින් වෙන වෙන මූණු පෙනෙයි

Source: Link

අපගේ Android App එක අදම Download කර දිනපතා අලුත් හොල්මන් කතා පහසුවෙන් කියවන්න...

Download කරගැනීම සදහා Google Play ලින්ක් එක පහත දක්වා ඇත..

Google Play Link

---අත්භූත සිද්දීන් පසුපස හඹා යාමේදී ඇතිවන අතුරු ආබාද ---

TechZone buthayo , ghost

කාලෙකින් ආයෙත් අද මන් ඔයාලට හොල්මන් කතාවක් නම් නෙමෙයි දෙන්න යන්නේ ඊටවඩා වැදගත් දෙයක් මන් මේ වගේ දෙයක් ලියන්න හේතුව සමහරක් කරුණු මටත් ඇතිඋන නිසා ඇති වෙමින් නැති වෙමින් පවතින නිසාත් තව කෙනෙක්ට මෙම විෂය තුලට අන්තර් ගතවීමේදී ඇතිවන බලපෑම් ගැන මට පුළුවන් ආකාරයෙන් තේරුම් කිරීම තමයි මගේ අරමුණ .

ඉතින් මන් පළමුවෙන්ම දෙයක් කියන්නම් මන් මේ කියන එකේ හරි වැරැද්ද විරුද්ද වන්න ඔයාලට පුළුවන් මන් දැක්කා දැන් මුහුණු පොතේ ගොඩාක් සමුහ වල හොල්මන් කතා හදලා ලස්සනට කොටස් වශයෙන් කෙටිකතා වශයෙන් පලවෙනවා ඇත්තටම එක හොඳ දක්ෂතාවයක් හොඳ දෙයක් නමුත් මන් එකේ පොඩි හොඳ නැති පැත්තක් දකිනවා මන් මේ ලියන ඔයාලට කියන්නේ ඔයාල ලියන්නේ සුරංගනා කතාවත් වීරයන්ගේ කතාවත් නෙමේ හොල්මන් කතා අන්න එතැනදී තමයි මේක වැදගත් වෙන්නේ ඔයාලට මතක ඇති අපි පොඩි කාලේ සුරංගනා කතා ඒ වගේම වීරයන්ගේ කතා කියවලා අපිටම කියල මනෝ ලෝකයක් හදාගත්තා අදටත් සමහර යට ඒවා මතකයි නිකමට හිතන්න හොල්මන් කතා අලුතෙන් ලියලා ලියලා ඒ කතාව අපේ යතාර්ථය උනොත් කොහොමද ? ඒ කිව්වේ කියවනවා වගේ නෙමෙයි ලියන එක අපිට ඒ කතාව ඇතුලේ ගොඩක් ජිවත් වෙන්න වෙනවා ඉතින් මන් දවසක පොස්ට් එකකින් කිව්වා වගේ මේ දෙයිනුත් වෙන්නේ අපි නොදන්නා යම් මානයකට අත පෙවීමක් ඉතින් මන් මේ ගැන වැඩියෙන් කියන්න යන්නේ නැහැ හැමදේකම දෙපැත්තක් තියනවා පරිස්සම් වන්න

හරි දැන් අපි බහිමු අපේ මාතෘකාවට

01 දැනෙන පැත්ත physical

මෙම අත්භූත සිද්දීන් සොයා යාම එතකොට අද්‍යනය කිරීම ඇත්තටම භයානකයි පලවෙනි හේතුව තමයි ඔබ අත්භූත සිද්දියක් දිගින් දිගට සොයා යනවනම් අනිවාර්යෙන් එය නැවත ඔබේ පසුපස එන බව මතක තියාගන්න මොකද මන් දන්නවා ගොඩක් ප්‍රසිද්ද අත්භූත පරීක්ෂකවරුන් ඔවුන් යම්කිසි සිද්දියක් නිමවී නැවතත් ආවත් අත්භූත ඔවුන් පසුපස ඇවිත් ඇතිවුන සිද්දි විශාල ප්‍රමාණයක් තියනවා , ඒ කියන්නේ ඔබ යම් දෙයක් සොයනවානම් අනිවාර්යෙන් හම්බවෙයි නමුත් ඔබ සොයන දේ මොකක්ද යන්නයි වැදගත් . මන් හැමදාම කියනවා වගේ අත්භූත සිද්දි සමග සම්බන්ධතාවයක් ඇතිකරගන්නත් අපහසුයි එය ලිහා ගැනීමට ඊටවඩා අපහසුයි

02 නොදැනෙන නමුත් වැදගත් පැත්ත mental side

ඉතින් අන්න මේ විදියට යනකොට මන් ඉහත කිව්ව දේවල් වලින් 2 වැනි හේතුවට එන්න පුළුවන් ඒ තමයි මානසික ආබාද

මන් මේ ගැන කියන්න කලින් පොඩි කතාවක් කියන්නම් එතකොට ඔයාලට තේරෙයි මේක ඇත්ත කතාවක්
පුද්ගලයෙක් ඉන්නවා එයා අත්භූත සිද්දි සොයාගෙන යන tv වැඩසටහන් බලලා ඔහු විසින්ම යනවා රෙකෝඩරයක් අරන් භූත කටහඩවල් රෙකොර්ඩ් කරන්න EVP (electronic voice phenomena) ඉතින් ඇත්තටම මොහුට භූත කටහඩවල් රෙකොර්ඩ් කරගන්න අවස්ථාව ලැබෙනවා මොහු දිගින් දිගටම මේක කරනවා රෙකොර්ඩ් කරපු voice ඔහු නැවත නැවතත් අහනවා අන්තිමට ඔහුට රෙකෝඩරයක් නැතුවම ඔහුගේ කනට එය ඇහෙන්න ගන්නවා අන්තිමට ඔහු සමාජයෙන් ඈත් වෙනවා වෙනස් පුද්ගලයෙක් වෙනවා ඔවු අන්තිමට ඔහු සියදිවිනහගන්නවා

අන්න දැක්ක නේද අමනුෂ්‍ය බලවේගයක් මුලින්ම පහරදෙන්න මනසට මෙය ඉතාම භයානකයි අන්න එකයි මන් කලින් කිව්වා වගේ කතා ලියන යට අවවාදයක් දුන්නේ සමහරවිට තවකෙනෙකුට මින් වෙනස් විදියේ දෙයක් වෙන්න පුළුවන්
මගේ පුද්ගලික අත්දැකීම නම් ඇත්තටම කාලයක් මේ ගැන හොයපුවාම මට පුද්ගලිකවම මෙයින් ඈත් වෙන්න මොකක් හරි සිද්ද වෙනවාමයි එක්කෝ ලියන වෙලාවේදී යම්කිසි ශබ්ද මානසික ආතතිය ලියන්න අලසකම,අසනීප වීම ,තනිවෙන්න අවශ්‍ය බව වගේ දේවල් නමුත් මන් මේ දේවල් තේරුම් ගන්න නිසා යම්කිසි අයුරකින් හිත වැටෙන්නේ නැතුව ඉන්න ඇති අන්න එකයි මන් උනත් මේ ගැන හොයන කොට ටික කාලයක් මේවා අත්හරිමින් වැඩි සම්බන්ධතාවයක් නැතුව ලියන එක ඉතින් අදට මේ ඇති ආයෙත් දවසක හමුවෙමු

ස්තුතියි

FOX

Source: Link

අපගේ Android App එක අදම Download කර දිනපතා අලුත් හොල්මන් කතා පහසුවෙන් කියවන්න...

Download කරගැනීම සදහා Google Play ලින්ක් එක පහත දක්වා ඇත..

Google Play Link

---පිලිස්සී මියැදුනු යුවතියකගේ අවතාරය---

TechZone buthayo , ghost

සීතල දුරුතු මහේ සඳ එළිය මිදුල පුරා පෙරී ඉතිරී ඇත්තේ මුළු මිදුලටම ආලෝකයක් ලැබෙන පරිද්දෙනි. මිදුලේ සේපාලිකා ගස යට ඇති බංකුව මත හිද සිටින මට ඈත වැටමායිමේ ඇති කටකෑලියා ගස යාන්තමට මෙන් පෙනේ...
"කටකෑලියා ගහේ දැන් ලොකු...."

මම මගෙන්ම අසාගත්තෙමි...වැට කෙලවරේ මායිමට වන්නට පිහිටා ඇති කටකෑලියා ගස අයිති ලයනල් මාමලාටය.මීට අවුරුදු කිහිපයකට කලින් එහි අයිතිය තිබුණේ විජේ සීයලාටය.දැන් වත්ත කට්ටි කර විකුණා තිබේ....
සන්සුන් පරිසරයත්, පිරී ඉතිරී යන සඳ එළියත් නිසා ඇත්තේ අමුතුම චමත්කාරයකි...භාවනාවකට සමවැදුණාක් මෙන් නිසොල්මන්ව සිටි මා තිගැස්සී ගියේ වත්ත මායිමේ පිහිටි කටකෑලියා ගස දෙසින් ඇසුණු ශබ්දයෙනි...
"වවුලෝ ඇවිත් කටකෑලියා ගෙඩි කන්න.... "
මම මටම මුමුණා ගත්තෙමි.

මීට අවුරුදු කිහිපයකට පෙර මෙවන් ශබ්දයක් වැට මායිම දෙසින් ඇසුණු විගස මා නතරවන්නේ එක්කෝ අම්මාගේ තුරුළේය.නැතිනම් අක්කාගේ සමීපයේය...එහෙත් දැන් මා කුඩා දරුවෙක් නොවීමි....කලින් කුඩා පැළයක්ව තිබූ කටකෑලියා ගස දැන් ගජ ඉලන්දාරියෙකි..මමද කාලයේ පරිණාමයත් සමග වයසින් මුහුකුරා ගොස් කටකෑලියා ගස මෙන් පරිණතව සිටින්නෙමි..එහෙයින් බියවීමට කිසිඳු හේතුවක් නැත...
එහෙත් කටකෑලියා ගස සමග මගේ මතකය අතීතය මතක් කරවයි.

මා මේ පවසන්නේ කටකෑලියා ගස සමග අවියෝජනීය බැඳීමක් ඇති පිච්චිමොටීගේ අනුවේදනීය කතාවයි..
ඔබ මෙය කෙසේ වටහාගනීවිදැයි මට තේරෙන්නේ නැත..එහෙත් මා කුඩා කල අම්මා, අප්පච්චිට අකීකරු වන හැම අවස්තාවකම අම්මා මට මේ කතාව මතක් කරයි..ඒ හැම මොහොතකම මා දෙනත් කදුළින් බොඳව යන්නේ කෙදිනක වත් දැක නැති පිච්චිමොටී නිසාවෙන්ද, නැතිනම් ඇයගේ අවතාරයට ඇති බිය නිසාවෙන්ද යන්න අදටත් මට වටහා ගත නොහැකිය..ඒ දෙකම සම්මිශ්‍රණය වූ දරාගත නොහැකි දුක් අදෝනාවක් මෙම කතාවේ ගැබ්ව ඇතිබව මට අද පසක් වේ...මේ මා ඔබ රැගෙන යන්නේ ඒ අනුවේදනීය කතාවටයි.........

" අම්මා බලන්නකෝ,මල්ලී මගේ හැම පොතකින්ම පිටු කඩලා...කුරුටු බළිත් ගහලා....හැමදාම ටීචර් මට බනිනවා
...
ඒ ලොකු අක්කගේ සුපුරුදු අදෝනාවය"

"අම්මා මල්ලි මගේ පෑන් අරගෙන තීන්ත හැමතැනකම හලලා...."

ඒ පොඩි අක්කාගේ හඬයි...

"බබා....මම කියලා තියෙනව නේද? අක්කලාගෙ පොත්,පෑන් අදින්න එපා කියලා...."

අම්මා මට තරවටු කරන්නේ අක්කලාට ඇසෙන පරිද්දෙනි.එවිට අක්කලා ටිකක් මෙල්ල වන අතර මම අම්මාගේ තුරුළට පැන හුරතල් වන්නෙමි...කොහොමත් අම්මා ආදරේ මට බව මා දනිමි...

පන්තියේ යහළුවන් මෙන් සුරතලෙකු ඇතිකිරීමේ දැඩි අවශ්‍යතාවය මේ දිනවල මාගේ මනසේ දිව ගිය ප්‍රබල ආශාවක් වූ හෙයින් දිනක් මා ලේන් කූඩුවක් සාදා කෙසේ හෝ ලේනෙක් ඇති කිරීමට ඉටා ගත්තෙමි..පන්තියේ යහළුවන් විවිධ සතුන් ඇති කරන බවත්, මටද සුරතලෙකු අවැසි බව කීවද අම්මා මෙන්ම අප්පච්චිගේද කිසිදු ප්‍රතිචාරයක් එයට නොවීය..
"සත්තු කූඩු කරලා හදන එක පව් වැඩක්.."
ඒ අම්මා මට නිරන්තරයෙන් පැවසූ දෙයකි....

කෙසේ වුවද දින කිහිපයක් ගස් යට,ගස් උඩ විවිධ වර්ගයේ කෑම තබමින් ලේනෙකු අල්ලාගැනීමේ අදහසින් මා පැය ගණන් ගෙවත්තේ කාලය ගත කළෙමි..
අක්කලා කියන පරිද්දෙන් මා මුළු ගෙවත්තම පීරා ලේනෙකු අල්ලාගැනීමේ අසාර්ථක වෑයමක නිරත වූවෙමි.අවාසනාවකට එකම ලේනෙකුවත් අල්ලාගැනීමට මා අපොහොසත් වීමි...අක්කලා ගැන තරහිණුත්,සුරතලුන් ඇති යහළුවන් කෙරෙහි ඊර්ෂ්‍යාවකිනුත් මා දුක්මුසු දින කිහිපයක් ගෙවා දැමුවෙමි...

දින කිහිපයකට පසු මා පාසල් ගොස් අක්කලාද සමගින් නැවත ගෙදර එමින් සිටියෙමි..නිවස ආසන්නයේ වැටමායිමේ කටකෑලියා පඳුර ආසන්නයේ කුඩා ලේන් පැටියෙකුගේ අදෝනාවකි....

ටිo....ටිo.....ටිo.....!!

මා බෑගය අක්කාගේ දෝතට විසිකට කටකෑලියා ගස දෙසට වේගයෙන් දිව ගියෙමි....ලේන් පැටවා අල්ලා ගැනීම මාගේ මූලික අභිප්‍රාය වූ අතර කටු ඇනී කකුල් සීරී දැනුණු වේදනාවන් මට සිහි නොවීය....

ගස ආසන්නයට යත්ම අම්මා කෑ ගසමින් නිවසේ සිට මා සිටිනා දෙසට වේගයෙන් දිව එන්නට වූවාය...ලේන් පැටවා ගැන මතකය අමතක කරවන තරම් අම්මාගෙ හඬ ප්‍රබල වීය...
මා සමීපයට පැමිණි ඈ ආවේශයෙන් මෙන් සියඹලා කෝටුවක් කඩා මා හට පහර පිට පහර දෙන්නට වූවාය...
මා දැඩි වේදනාවෙන් මිරිකෙමින් මහත් වෙහෙසක් දරා නිවස දෙසට දිවගියෙමි..අම්මා නිවස තුළටද පැමිණ මා හට පහරවල් කිහිපයක්ම දුන්නාය....

"යනවද ආයේ ඒ වත්තට? යනවද ආයේ ඒ වත්තට? "

මා ඉකිය අතරින්ම නෑ කියුවෙමි...

අක්කලාද බියෙන් මෙන් අම්මා දෙස ගල්ගැසී බලා සිටති....අම්මාගේ මුළු ශරීරයම දාඩියෙන් තෙත්ව ඇත...වචනයෙන් විස්තර කළ නොහැකි තරම් බියක් මුහුණේ සනිටුහන් වී ඇත...කිසිවක් සිතාගත නොහැකි වූ මා ඇග සෝදා දහවල් ආහාරයද නොගෙන නින්දට වැටුණෙමි....

----------------------------------

එදින රාත්‍රියේ අප්පච්චි මළගෙදරක ගිය අතර මා හා අක්කලා දෙදෙනා හා අම්මා පමණක් නිවසේ තනිවීමු.දහවල් සිදුවීමෙන් පසු මා අම්මා සමග උරණව සිටියෙමි...දහවල් ගුටි කෑ හේතුව දැනගන්නා තුරු මට ඉවසිල්ලක් නොවීය...රාත්‍රි ආහාරෙයන් අනතුරුව අම්මා මා හා අක්කලාද කැටුව කාමරයට ආවය.අක්කලා දෙදෙනාද, මමද අම්මාට තුරුළු වී නිදන්නට සැරසුණු අතර අම්මා මදකට අපව නිහඩ කරමින් දීර්ඝ කතාවකට මුළ පිරුවාය..අම්මා එදා රාත්‍රියේ අපට් කියූ කතාව වචනයක් පාසා අදටත් මා මතකයේ රැවු පිලිරැව් දේ....මා ඒ කතාව අම්මා කියා ආකාරයෙන්ම ඔබට පවසමි....අහගන්න....මේ ඇගේ කතාවයි...ඔබ මෙතෙක් නොදත් පිච්චිමොටගේ කතාවයි....
------------------------------------

අම්මා අප්පච්චි හා විවාහ වීමෙන් අනතුරුව අප්පච්චිගේ මහ ගෙදරට (දැන් අපි ඉන්න ගෙදර) පදිoචියට පැමිණ ඇත්තේ 1979 වර්ෂයේදීය.සීයලාගේ මහගෙදර පැරැණි වලව්වක් ආකාරයෙන් ගම්මානය පුරාවටම කාගේත් අවධානයට ලක්ව ඇති අතර ගමේ යමක් කමක් ඇති පුද්ගලයකු වශයෙන් සීයාට සුවිශේෂ ස්ථානයක් හිමිවී තිබේ..ඒ නිසාවෙන් මුදල් ණයට ඉල්ලා ගැනීම ,කුඹුරු අදයට ඉල්ලා ගැනීම ආදී දෑ සදහාද ගම් වැසියන් නිරන්තරයෙන් සීයලාගේ නිවසට පැමිණ ඇත....

මා කළින් සඳහන් කළ කටකෑලියා ගහ අයිති ඉඩමේ මුල් හිමි කාරීත්වය හිමිව ඇත්තේ පොඩි මහත්තයා නම් පුද්ගලයකුට වන අතර ඔවුන්ගේ නිවසේ ඔහු හා ඔහුගේ බිරිදත්, අවුරුදු 15ක් වයසැති නෝනා නම් දියණියත්,වයස අවුරුදු 9 -4 අතර පිරිමි දරුවෙක් හා ගැහැණු දරුවෙක්ද වාසය කොට ඇත...එම පවුලේ අයද සීයාගෙන් නිරන්තරයෙන් ණය මුදලක් ලබා ගැනීමට පැමීණීම හේතුවෙන් එම නිවසේ 15 හැවිරිදි නෝනා දියණිය අම්මා සමග මිත්‍ර වී ඇත...

නෝනා අම්මා පැවසා ඇති ආකාරයට නෝනාගේ තාත්තා වෙන අයෙකි.අම්මා වෙනත් කසාදයක් කරගෙන ඔවුන් ජීවත් වන නිවසේ පදිoචියට පැමිණ ඇත...

බාප්පාගෙන් හා ඔවුන්ගේ දරුවන්ගෙන් නෝනාට හිමිව ඇත්තේ කුඩම්මාගෙ සැළකිලි වේ...ඇයගේ අම්මාද ඇයට සලකා ඇත්තේ වහලියකට පරිද්දෙනි..නිවසේ සියල්ලන්ගේ රෙදි සේදීම,වළන් පිගන් සේදීම,ගෙවල්,මිදුල් අතුගෑම,වතුර පිරවීම,කුරක්කන් ඇඹරීම ආදී රාජකාරී නෝනාගේ දෛනික රාජකාරි වලින් අතලොස්සකි.......

"නෝනා....මල් වලට වතුර දාපන්,
නෝනා....මල්ලිගෙ කක්කා සෝදපන්...
නෝනා....කඩේට පලයන්...
නෝනා...උඹට ඇහෙන්නේ නැද්ද යකෝ??"

ඒ නිරන්තරයෙන් ඈ ලද කටුක වදන් වේ..ඇයට අදින්නට තිබී ඇත්තේ එකම එකම චීත්ත ගවුමක් වේ...ඇගේ සියළුම ඇදුම් සහෝදරයා හා සහෝදරිය විසින් ගිණිබත් කරනු ලබන අතර ඇදිවත පමණක් ඇයට උරුමව ඇති බව ඈ අම්මා සමග පවසා ඇත්තේ හැඩූ කදුළිනි.....

අම්මා ඇයට අම්මාගේ අලුත්ම ගවුම් කිහිපයක්ම තෑගි කොට ඇත්තේ ඈ කෙරේ උපන් ඇසීමිත දුකෙනි....සමහර වැසි දින වලට නෝනාට එලියේ තෙමි තෙමී ඉන්නට සිදුවේ....ඇයගේ නැගණිය හෝ මල්ලී සිදුකරන වෑම වැරැද්දකටම දඩුවම් විදින්නට සිදුව ඇත්තේ නෝනාට වේ..සියලුම වැරදි නිමාවනේ නෝනාට සිදුවන ගුටි බැට දීමෙන් අනතුරුව වේ...

අම්මා විසින් නෝනාට දුන් ඇදුම් කිසිදිනෙක නෝනාට අදින්නට සිදුවී නැත....යන්න ගමනක්ද ඇයට නැති හෙයින් ඈ එකම ඇදුම සෝදා කඩමාල්ලකට සමාන වන තෙක් ඇද ඇත....නෝනාගේ නිවසේ ඇයගේ ඇදුම් තැබුවහොත් ඒවා ගිණි තබන නිසාවෙන් ඒවා සීයලාගේ මහගෙදර ට්‍රන්ක පෙට්ටියක අහුරා දින පතා ඈ ඒවා සිඹයන බවත්,ඒවා අඳින්නට ආසා කරන බවත් ඈ සිය දහස් වාරයක් අම්මාට පවසන්නට ඇත...

දිනක් සවස් කාලයේ අම්මා නිවස අසල ඇති ලිදෙන් රෙදි සෝදමින් සිටින අතරතුර නෝනලාගේ නිවස දෙසින් විලාප හඩක් ඇසී ඇති අතර ඒත් සමගම නෝනා ගිණි ගොඩක් සමගින් අම්මා සිටි දෙසට දුව ආ බවත් නිවසේ සියල්ලන්ම එකතුවී නෝනාට වතුර ගසා ගින්න නිවා දමා ඇත...

කුරා කූඹියෙකුට වත් වරදක් නොකළ අහිංසක නෝනාගේ පපුවෙන් පහළ සියල්ලම පිච්චී ගොසින්ය..වහාම නෝනාව රෝහලට ඇතුළත් කොට අතර රෝහලේ ඇයව තබාගෙන ඇත්තේ කෙසෙල් කොළ මත නිරුවතින් වේ...
නෝනාගේ හිසේ සිටි උකුණන් දහස් ගණනක් නෝනාගේ හිස අතහැර යන්නට ඇත්තේ නෝනාගේ ශරීර උෂ්ණත්වය දරා ගත නොහැකි නිසාවෙනි......

නෝනාගේ තත්ත්වය එන්න එන්නම උත්සන්න වී ඇති අතර දැඩි වේදනාවෙන් යුක්තව රෝහල්බිම දෙදරා යන ආකාරයෙන් නෝනා විලාප තබා ඇත.....ගින්නට හසු වී තෙවෙන දින මේ ලොව ඈ විදි සියලුම දුක්ඛ දෝමනස්සයන් වලින් මිදී නෝනා මෙලොවෙන් සමුගෙන ඇත්තේ ඇය ගැන් හොදින් දන්නා සමීපතමයන්ගේ දෑස් කදුළින් තෙත් කරවිමිනි.........

නෝනාගේ මරණය සිදුව ඇත්තේ අපරික්ෂාරී ආකාරයෙන් ගිණි මෙළවීම හේතුවෙන් බව පොලිස් පරීක්ෂණ වලදී අනාවරණය වී ඇත.නමුත් මියයාමට පෙර නෝනා කියා ඇත්තේ නෝනා කුරක්කන් අඹරමින් සිටි බවත් ඇයගේ නැගණිය හා මල්ලී ඈ ඇද සිටි සාය වටා භූමිතෙල් දැමූ බවත් අවසානයේදී ඔවුන් ගිණිතබා ඇති බවත්ය.එහෙත් පිළිගත හැකි පරිදි සාක්ෂි නොමැතිකම හේතුවෙන් එය මිනී මැරුමක් බවට ඔප්පු වී නැත.......

නෝනාගේ නිසළ දේහය එම්බාම් කර ඇත්තේ අප නිවසේ වැටමායිමේ පිහිටි කටකෑලියා ගස ආසන්නයේය...ඈ මියයන අවස්තාවේදී කෙසෙල්මුව සමග අවසන් වරට ආහාරය ගෙන ඇති බව මරණ පරීකෂණයේ අනාවරණය වී තිබේ......

නෝනා යනු සැබැවින්ම අවිහිංසක දැරියක් වන අතර ශෝචනීයම කාරණය වී ඇත්තේ නෝනා වැඩිවියට පත්ව ඇත්තේද ඇය ගිණිගත් දිනයේ බවද මරණ පරීකෂණයේදී අණාවරණය වී ඇත...

නෝනාගේ නිසළ දේහය කටකෑලියා ගස යට වළලා ඇති අතර පිලිස්සීමෙන් මියගිය ගිය අරුත් ව ඇතිව පිච්චිමොටී යන අන්වර්ථ නාමයෙන් නෝනාව එදා සිට ගමේ කොලු කුරුට්ටන් විසින් හදුන්වා දී ඇත....

නෝනාගේ මරණයත් කාලයත් සමග වැළලී ගියද, නෝනාගේ අවතාරය ගම පුරා සැරිසරන බවට කාලයත් සමගම කටකතා ඇතිවී තිබේ...නෝනාගේ රෙදි තබා තිබූ සීයලාගේ ගෙදර කාමරයේ නොයෙක් ශබ්ද ඇති වූ බවත්, සමහර රාත්‍රින් වලදී නෝනාගේ කෑ ගැසීම් කටකෑලියා ගස දෙසින් ඇසුණු බවටත් අසල්වාසින් දිවුරා කියා සිටියි....

නෝනාගේ මරණයෙන් පසු ඇයගේ පවුලේ සාමාජිකයන් ගමෙන් කොන් වී ඇති අතර ඔවුනට ගම අතහැරයාමට සිදුව ඇත...
දිනක් නෝනාගේ නැගණිය සිහිනෙන් නෝනාගේ සොහොන ඇති කටකෑලියා ගස ළඟට ඇවිද ගොස් ඇත...වරෙක ඇයගේ මල්ලී සිහිසුන්ව කාමරයේ වැටී ඇත.....ඒ සියල්ලම සිදුකර ඇත්තේ නෝනාගේ අවතාරය බව ගම්මුන්ගේ අදහසයි...

ඒ හෙයින් කටකෑලියා ගස පැත්ත පලාතකටවත් යෑමට ගමේ කිසිවෙක්වත් ඉදිරිපත් වී නැත.ඒ හේතුවෙන් එම ඉඩම කට්ටි කර විකුණා ඇත්තේ මීට වසර ගණනකට කලිනි.අදටත් කටකෑලියා ගහයට පිච්චිමොටී නිදි ඇති සිතන කුඩා ළමුන් ගමේ ඕනෑ තරම් ඇත...

මේ කාරණය හේතුවෙන් සීයා කට්ටඩියෙකු ගෙන්වා වැලි මතුරා වත්ත හතර වටේ ඉසිමින් වත්ත ආරක්ෂා කර ඇති අතර එදායින් පසු නෝනාගේ අවතාරයෙන් කරදරයක් වී නැති බවත් පසුකාලයකදී මට දැනගන්න ලැබුණි.......

----------------------------------
මා ලේන් පැටියෙක් සෙවීමට ගොස් ගුටි කෑවේ මේ හේතුව නිසාවෙන් බව අම්මාගේ කතාවෙන් පසුව වැටහුණි...අක්කලා දෙදෙනාම කතාවෙන් අනතුරුව අඩාවැළපුණු අතර මාද එම කතාව ඇසීමෙන් අනතුරුව දැඩි සේ කම්පනයට පත් වීමි.පිච්චිමොටී යනු කවුරුන්දැයි මා නොදත්තද වචනයෙන් කිව නොහැකි තරම් සෙනෙහක් ඈ වෙනුවෙන් මා සිතේ එදා මෙන් අදත්, හෙටත් මෝදුව පවතියි....

මා පිච්චිමොටීට බිය නොවුණෙමි...ඇයට සිදුවූ අසාධාරණය ,අවනඩුව නිසාවෙන් ඇයගේ හොල්මන හෝ සොයා යා යුතු බව කුඩා කළ මට සිතුණු වාර ගණන් අනන්තය...

නෝනා නොහොත් පිච්චිමොටීගේ පවුලේ උදවිය යහතින් ජීවත් නොවේවා යන ප්‍රාර්ථනයෙන් මා කුඩා කල කුරිරු සතුටක් ලැබුවෙමි.....නමුදු දෛවය යනු වෙනස් කළ හැකි දෙයක් වුවද,කර්මය යන්න වෙනස් කිරීමට මහත් අසීරු සoකීර්ණ ක්‍රියාවලියක් බව මා අද විස්වාස කරන්නෙමි....

එහෙයින් පිච්චිමොටීට අමා මහ නිවන්සැප හැරෙන්නට පතන්නට වෙන කිසිවක් නොමැති බව මා දුකින් වුවද මෙනෙහි කරන්නෙමි.....!!

_ නිමි_

මම #_සුමේධ හෙට්ටිආරච්චි _

Source: Link

අපගේ Android App එක අදම Download කර දිනපතා අලුත් හොල්මන් කතා පහසුවෙන් කියවන්න...

Download කරගැනීම සදහා Google Play ලින්ක් එක පහත දක්වා ඇත..

Google Play Link

---මරා දැමූ සොයුරියගේ ආත්මයෙන් ශරීර බන්ධනයක්---

TechZone buthayo , ghost

චන්ද්‍රාවතී සහෝදර සහෝදරියන් විශාල පිරිසක් සිටි පවුලක තෙවැනියාය. කුඩා කල සිටම අන් අයට ඉහළින් වැජඹීමේ වුවමනාවක් ඇය තුළ විය. මේ තත්ත්වය දිනෙන් දින වර්ධනය වූවා මිස කිසි ලෙසකින් වත් අඩු වූයේ නැත. පවුලේ සහෝදර සහෝදරියන් විවාහ වී ගේ දොර සාදාගෙන සිටිනු දැකීම ඇයට කිසිවිටක රිස්සුවේ නැහැ. ඇය වරින් වර තම සහෝදර සහෝදරියන්ට විවිධ ගැටලූ ඇති කරමින් ඔවුනගේ දියුණුව අඩපණ කිරීමට සැලසුම් සකස් කළාය. විවාහයෙන් පසු ඇයගේ ආර්ථිකය එතරම් යහපත් නොවීම මේ තත්ත්වය තව තවත් වර්ධනය කරවන්නට උපකාරී විය.

සතියෙන් වැඩි දවසක් ඇයගේ කාලය ගතවූයේ දේවාලවලය. පවුලේ අයට යන්ත‍්‍ර මන්ත‍්‍ර ගුරුකම් කරමින් සහෝදර සහෝදරියන්ගේ විනාශය බලාපොරොත්තුවෙන් ඇය බොහෝ දේ කළාය. මේ අතර තුර හදුනාගත නොහැකි වූ රෝගයකින් ඇගේ නැගණියක් මිය ගියාය. මෙයට හේතුවූයේ ද චන්ද්‍රාවතීම බව පවුලේ අය හොදින් දැන සිටියහ.
මේ අතරතුර චන්ද්‍රාවතී නිතර යන දේවාලයක කපු මහතෙක් ඇයට අපූරු යෝජනාවක් ඉදිරිපත් කළේය. ඒ නංගිගේ ආත්මය චන්ද්‍රාවතීගේ සිරුරේ

ගැටගසාගෙන ඇයට අවශ්‍ය පරිදි පාලනය කිරීමයි. ඇයද එක් වරම එම යෝජනාවට එකග වූවාය. හදිහූනියම් වැනි දෝෂයන් හරහා මියයන මිනිස්සු බොහෝ විට මළ යක්ෂ ආත්ම බවට පත්වෙති. එයට හේතු වනුයේ මෙම මිනිසුන් අකාලයේ මිය යෑමයි. එලෙසම මරණාසන්න මොහොතේ අඩු වයසින් මෙලොව හැරයෑම සහ තම දරුවන් හෝ සැමියා පිළිබ`ද ඇති වන ආශාවයි.

මරණයෙන් පසු යළි ආත්මයක් ලැබීමට ගතවන කාලය තුළ ගන්ධබ්භයකු ලෙස ගත කරන අවස්ථාවේදී තමාට සිදුවුයේ කුමක්ද යන්න අවබෝධ කර ගැනීමට හා දැකගැනීමට හැකිවන නිසා මෙම ආත්මයන් වෛරී සහගත ආත්මයන් බවට පත්වෙයි. මෙහි අවසන් ප‍්‍රතිඵලයවන්නේ එම ආත්ම මළ යක්ෂ ආත්මයන්වල ඉපදීමයි.
කපු මහතා චන්ද්‍රාවතීගේ නංගිගේ ආත්මය බන්ධනය කිරීමේ පූජාව සැලසුම් කළේය. මළගිය ආත්මයක් යම් භූමියකට බන්ධනය කිරීම එතරම් පහසු කටයුත්තක් නොවේ. එය තරමක් සංකීර්ණ කාර්යයකි.

එදින රාත‍්‍රී දහය පමණ වන විට පූජා කටයුතු ලැහැස්ති වූයේ චන්ද්‍රාවතීගේ නිවසේය. දොළ තටුවක් සකසා ඒ තුළට බැදුම් වර්ග, කැවිලි වර්ග මෙන්ම හත්මාළු, විසි එක් මාළු වැනි දේ ද බෙදා ඇත. විශේෂයෙන්ම සකස් කළ ඉ`දිආප්ප සමග කුකුළු මස් කරිය ද දොළ තටුව මත තබා ඇත. ඉ`දිආප්ප සම`ග කුකුළු මස් චන්ද්‍රාවතීගේ නැගණියගේ ප‍්‍රියතම ආහාරයක් වීම නිසා ඇයගේ ආත්මය ගෙන්වා ගැනීමට මෙවැනි දෑ බොහෝ සෙයින් උපකාරී වෙයි. දොළ තටුවේ සිට ගැටගසන ලද කපු නූල් හත්පොට අල්ලාගෙන චන්ද්‍රාවතී දොළ තටුව අසල වාඩි වී සිටියි. කපු මහතා දිගින්දිගටම මතුරයි. එසේ මතුරාගෙන යනවිට එකවරම ‘‘ඔය නූල දොළ තටුවට දාන්න’’ යැයි කපුමහතා පැවැසුවේය.
දොළ තටුවේ නූල අතහරින්නේ දොළ තටුවට මළගිය ආත්මයන් සියල්ලම ඇතුළු වූ බව කපු මහතා තීරණය කළ විටය.
මෙසේ දොළ තටුවට කොටුකරගත් චන්ද්‍රවතීගේ නංගීගේ මිනී අළු හා එකට කවලම් කළ එළ අබ බ`දුනකට බන්ධනය කළේය. එළ අබවලින් කෙරෙන්නේ සීමා මායිම් නැතහොත් බන්ධනය කරන ඉඩම් මළගිය ආත්මයට හ`දුන්වාදීමයි. මෙසේ රාත‍්‍රිය පුරා සිදු කළ පූජාව අවසන් වූයේ පාන්දර හතරට පමණ චන්ද්‍රාවතීගේ සහෝදර සහෝදරියන්ගේ ඉඩම්වලට මිනී අළු සම`ග කවලම් කළ එළ අබ ඉසීමෙනි.

මිනී අළු ජීවම් කිරීමෙන් එය ඉසින භූමි පාළුවීම හා මළගිය ආත්මවලට නිදහසේ තමාට පැවැරූ කාර්ය ඉෂ්ට කරගත හැකිවෙයි.
සතුරකුගේ ග‍්‍රහණයට අසුවන මළගිය ආත්මයක් යම් ඉඩමකට හෝ පුද්ගලයකු විනාශ කර දැමීම උදෙසා බන්ධනය කළ විට දැඩි වෛරයෙන් එම කාර්යය ක‍්‍රියාත්මක කිරීමට උත්සහ දරයි. එයට හේතුවනුයේ ආත්මයට තමාට පැවැරූ කාර්යය නිමවන තුරු නිදහස් විය නොහැකි වීමයි.

චන්ද්‍රාවතීගේ නැගණියම මෙම කාර්යයට යොදා ගැනීමට විශේෂ හේතුවක් ද වෙයි. නෑකමක් සහිත ආත්මයකට එම පරපුරේ භූමි වෙත කිසි`දු බාධාවකින් තොරව ඇතුළු විය හැකිවීමයි. එහිදී භූමි ආරක්ෂාවලින් ලෙහෙසියෙන් බේරී ඇතුළු විමේ හැකියාව එවන් ආත්මයන්ට ලැබෙන්නේ ලේ ඥාතීත්වය මතය. මෙලෙස සිදුකළ භූමිපාළුව හා මළයක් බන්ධනය හේතුවෙන් චන්ද්‍රාවතී අපේක්ෂා කළ ලෙසම තම සහෝදර සහෝදරියන් දැඩි ගැටලූවලට ලක් වන්නට වූ අතර දෙපිරිසක් තම නිවෙස් විකුණා දමා ගමෙන් පිට වීම ද සිදුවිය.

ඉන් ටික කලකට පසු චන්ද්‍රාවතීගේ පුතණුවන්ගේ විවාහය සිදුවූයේ ගමේ ඉඩකඩම් පැවැති පවුලක තරුණියක් සම`ගය. එම විවාහයට පදනම වැටුණේ ද වශී ගුරුකමක් හරහා එම තරුණියගේ සිත වශී කර ගැනීමෙනි. කෙසේ හෝ විවාහයෙන් පසු තරුණියගේ ඉඩමක ඇයගේ මුදල්වලින් විශාල නිවසක් ඉදිකරමින් පැවැතුණි. තම සහෝදර සහෝදරියන්ට සිදුකළ හදි හූනියම් පිළිබ`ද දන්නා චන්ද්‍රාවතී නිවස ඉදිකර අවසන්වන තුරුම රැුයක් දවාලක් නොමැතිව තම අලූත් නිවස ආරක්ෂා කළේය. නිවස ඉදිකර අවසන්වත්ම තමන් දැනට සිටි නිවස විකුණා දැමූ චන්ද්‍රාවතී එම මුදල් ද නව නිවසේ ඉදිකිරීම් වෙනුවෙන්ම වැය කළාය. නිවසේ සියලූ ඉදිකිරීම් අවසන් කර සියල්ලෝම නව නිවසට ගෙවැදීමට දින යොදාගත්හ. නිවස ඉදිකර තිබුණේ වෙලක් ආසන්නයේ ය.

චන්ද්‍රාවතී නිවසට ගෙවැදීමට සැලසුම් සකස් කරමින් සිටියදී සහෝදර සහෝදරියෝ තමන්ට කර ඇති ගුරුකම හොර රහසේම කපා ඉවත් කර ගැනීමට දක්ෂ කපු මහතකු සොයාගෙන ලක ලැහැස්ති වෙමින් සිටියහ. චන්ද්‍රාවතීගේ නැකත් දිනයට දින හතකට පෙර පූජා පවත්වා ඔවුනට කර තිබූ බන්ධනයන් කපා දැමුවෝය. එහෙත් බන්ධනය කර තිබූ ආත්මය අතහැරියේ නැත. මළගිය ආත්මය සොහොයුරික වුවත් දින හතක් තිස්සේ විවිධ අයුරින් එම ආත්මය කපු මහතා විසින් පීඩාවට පත් කරන ලද අතර, එසේ සිදු කරනුයේ තමා මෙම බන්ධනයට ලක් කළ පුද්ගලයා කෙරෙහි දැඩි වෛරයක් හා දැඩි පලිගැනීමේ චේතනාවක් ඇති කරවීම උදෙසාය. ඒ හරහා එම මළගිය ආත්මය ශක්තිමත් වන අතර ආත්මය එවූ පුද්ගලයා කුමන ජාතියේ ආරක්ෂක සුර භාවිත කළ ද ඒවායේ බල පුපුරවාගෙන ඔහු වෙත යෑමේ හැකියාව ඇතිවෙයි. මෙලෙස දින හතක් පීඩාවට ලක් කළ ආත්මය චන්ද්‍රාවතී ගෙට ගෙවැදුණු දිනයේ අතහැර දැමූ අතර, එදින රාත‍්‍රියේ චන්ද්‍රාවතීගේ නව නිවසේ භෝජන සංග‍්‍රහයකි. මස්, මාළු, තෙල් බැ`දුම් හැදෙන පරිසරයක මළගිය ආත්මයට තම කටයුත්ත උදෙසා අවශ්‍ය පරිසරය නිතැතින්ම සකස් කරමින් පැවැතුණි.

කපු මහතා අතහැරි සැණින් චන්ද්‍රාවතී සොයාගෙන පැමිණි ආත්මය ඇගේ දරුවාගේ ශරීරයට ඇතුළු වූයේ පළිගැනීමට එය වඩා සුදුසු ක‍්‍රමය නිසා විය යුතුය. එතෙක් වේලා යහළුවන් සම`ග මත්වතුර තොලගාමීන් සිටි ඔහු යකෙක් වැහැණු විට මෙන් සියල්ලන්ටම බැණ වදිමින් කලහ කරන්නට පටන්ගත්තේය. යහළුවන් ටික වේලාවකින් පිටව ගිය අතර, ඉන්පසු නිවසේ බඩු මුට්ටු පොඩි කරමින් කිසි දිනක නැති අයුරින් ඔහු නිවසේ සියල්ලන්ටම පහර දෙන්නට විය. ප‍්‍රථමයෙන් ම මවටත්, පියාටත් පොල්ලක් කැඩෙන තුරු පහරදී නිවසින් එළවා දැමුවේය. මේ අතරතුර ඔහුගේ බිරි`ද ළමයාත් රැුගෙන ඇයගේ මහ ගෙදරට ගියාය. ඉන්පසු ගැටුම ඇතිවූයේ බිරි`දගේ ඥාතීන් සම`ගය. බිරි`දගේ ඥාතීන් සම`ග ඇවුළුණු ගුටි කෙළියෙන් බිරි`දගේ බාල සොහොයුරා බරපතළ තුවාල සහිතව රෝහල්ගත කෙරුණු අතර චන්ද්‍රාවතීගේ පුතාට ද රෝහල්ගත වීමට සිදුවිය.

අවසානයේ නිවස අත හැර දමා කුඩා නිවසක් කුලියට ගෙන පදිංචියට යන්නට චන්ද්‍රාවතීට හා පවුලේ අයට සිදුවූයේ එම ඉඩමට පය ගැසීමට පුතාගේ බිරි`දගේ සහෝදරයෝ ඉඩ නොදුන් නිසාය. එදා යකෙකු ලෙස හැසිරෙන්නට පටන්ගත් පුතා වසර තුන හතරක් ගෙවී ගොස් ඇතත් එලෙසමය. රාත‍්‍රියට යකෙකු ලෙස අසභ්‍ය වචනයෙන් කෑ ගසමින් නිවැසියන්ට ගසා නිවසෙන් එළවා දමයි. චන්ද්‍රාවතීට තම සැමියා සම`ග බොහෝ දිනවල රාත‍්‍රිය ගත කරන්නට සිදුවූයේ ගස් ගල් යට ය. මෙම බන්ධනය කැපීමට කිසිදු දේවාලයකට හැකි වූයේ නැත. අතේ තිබූ මුදල් නිකරුණේ වැය වීම මිස සහනයක් හිමි වූයේ නැත.

චන්ද්‍රාවතී කළ බන්ධනය කැපීමට නොහැකි වූයේ බන්ධනය සිරකළ මිනී ඇට කැබැල්ල ඇගේ වත්ත කෙළවර වූ ගිනිසපු ගසේ උඩම අත්තේ ගැටගසා තිබූ නිසාය. සුළ`ගට සෙලවෙමින් පවතින බන්ධනයන් හා ජලයේ පාවෙමින් ඇති බන්ධන කපා ඉවත් කළ නොහැකිය. පවුල් කිහිපයක් පීඩාවට පත් කළ චන්ද්‍රාවතීගේ ජීවිතය ඇයගේ අනිසි ක‍්‍රියාවන් නිසා විනාශ වී ගියේ ඒ ආකාරයෙනි.

වෛදික ජ්‍යොතිෂ්‍යවේදී
කාංචන ගීත මනමේන්ද්‍ර

Source: Link

අපගේ Android App එක අදම Download කර දිනපතා අලුත් හොල්මන් කතා පහසුවෙන් කියවන්න...

Download කරගැනීම සදහා Google Play ලින්ක් එක පහත දක්වා ඇත..

Google Play Link

---පොඩි අක්කාගේ අවතාරය---

TechZone buthayo , ghost

"ඉපිද මියෙන සංසාර චාරිකාවේ එක් ගමනාන්තයක දැන් අපි ගිමන් හරින්නෙමු.දුක සැප - සිනහව - කඳුළ උපතින්ම උරුම කරගත්තු අපි, ජීවිතේ ජීවත් වන, ජීවිතේ ජීවත් කරවන තුරාවට අපි වෙනුවෙන් අපේ සුඛවිහරණය වෙනුවෙන් නොනවත්වාම අරගලයක යෙදෙන්නෙමු....

සසර ගමනේ නොයෙක් සංධිස්ථානයන් වලදී අපට අතහැරුණු, අපට මගහැරුණු යම් තැනක් වේද....මෙලොවදී පමණක් නොව පරළොව ගියද මිනිස් ගතිය ඉස්මතු කරමින් අප ඒ පසුපසම ලුහුබඳින්නෙමු.....

ඉතින්....මේ ගෲප් එකේ දිගහැරෙන මගේ හරවැනි කතාවෙනුත් කියැවෙන්නේ සංසාර ගමනේ නොයෙක් අභිලාෂයන් ඉටුකරගත නොහී,අකාලයේම මියැදුණු, ජීවිතයේ නොයෙක් හැලහැප්පීම් වලට ගොදුරු වුණු යුවතියකගේ සත්‍ය කතාවක්...දැන් ඇය මළවුන් අතරට එක්වී බොහෝ කාලයක් ගෙවී ගිහින්...එහෙත් ,ඈ පිළිබඳ මතකය , තාමත් නැවුම්....එහෙනම් අහගන්න....විශ්වාසය තැබිය හැකි අය පමණක් විශ්වාස කරන්න....

මා මේ පවසන්නට යන කතන්දරයේ කතා නායිකාවගේ මරණයත්, ඇගේ අවතාරයත් බොහෝ අවස්ථාවන් වලදී විවිධාකාර අයුරින් කතා බහට ලක්වූ නිසාවෙන් නම් ගම් ආදී සියල්ලම මාගේ අවශ්‍යතාවය මත වෙනස් කරන ලද ඒවා මව කාරුණිකව මතකයේ තබා ගන්න......

**********************************************************************************************************************

මා මුලින් සඳහන් කළ පරිදි මේ සිදුවීම සිදුවී අවුරුදු කිහිපයක් ගතවී ඇති නමුත් මාගේ මතකයේ එය රැදී ඇත්තේ එය අද ඊයෙක සිදුවූ සිදුවීමක් ලෙසිනි.මන්දයත්,මෙම සිදුවීම වරින් වර රූපවාහියේ හා ගුවන්විදුලියේ ප්‍රචාරය වීමත්,මේ හා සම්බන්ධ චරිතයන් මගේ ජීවිතයට බෙහෙවින්ම සමීප පුද්ගලයන් වීමත් නිසාවෙනි...

මාගේ මතකය පරිදි එය 2006 අවුරුද්ද විය යුතුය.අපේ පවුලේ සහෝදර සහෝදරියන් පස් දෙනෙක් වුවද , ඔවුන් අතරින් මා වැඩිපුරම ඇළුම් කළේ පොඩි අක්කාටය.මම පවුලේ බාලයා වූ අතර ඈ තෙවෙනියා වූවාය.පොඩි අක්කාත් මමත් අතර ඇත්තේ අවුරුදු දහයක පරතරයක් වුවත් ඈ සෙසු සහෝදර සහෝදරියන්ට සාපේක්ෂව මට බෙහෙවින් ආදරය කළාය...

පොඩි අක්කා ඉගෙන ගන්නට උපන් හපන්කමක් ඇත්තියකු වූ අතර සාමාන්‍යපෙළ විභාගය උසස් ආකාරයෙන් සමත් වූ නිසාවෙන් ඈ නගරයේ ප්‍රසිද්ධ බාලිකා පාසලකට ඇතුළත් විය. වෛද්‍යවරියක වීමේ බලාපොරොත්තු ඇතිව ඈ මහන්සි වී පාඩම් වැඩ සිදු කළද කෙදිනක හෝ ඈ මාව අමතක නොකළාය...පාසල් ගොස් පැමිණ ඈ මාගේ පාසල් වැඩ කිරීමට උදවු කළාය.මා සමග සෙල්ලම් කළාය.මා නින්දට යන තුරු මා අසළ ගැවසෙමින් මට හැමදේම කියා දුන්නාය.එහෙයින් මා අම්මාට හා සමානව පොඩි අක්කාට අසීමිතව ආදරය කළෙමි...

ඈ උපතින්ම බොහෝ කාරුණික සහෝදරියක් වූවා සේම ඒ කාරුණිකත්වය හේතුවෙන් ඉතා ලස්සන රෑ සපුවක් ඈ සතු වූවාය...ලස්සන දිග කොණ්ඩය සමග පාසල් යෑමට සැරසෙද්දී ඈ කරනා අරගලය අදටත් මට ජීවමානව පෙනේ...මා යම් වැරැද්දක් සිදුකොට අම්මාගෙන් දඩුවම් ලබද්දී පොඩි අක්කා මාව බේරා ගත්තාය... එබැවින් මාගේ සහෝදරිය සේම සංසාරගත යෙහෙළියද මගෙ පොඩි අක්කාම වූවාය.

එහෙත් ඈ උසස් පෙළ හැදෑරූ දෙවෙනි අවුරුද්දේ පොඩි අක්කාගේ සිදුවූ හදිසි විවාහය නිසාවෙන් එකල මා දැඩි කම්පනයට පත්වූවෙමි. නගරයේ ත්‍රී රෝද රථ රියදුරෙක් සමග ඇතිකරගත් සම්බන්දයක් හේතුවෙන් ඈ ඔහු සමග හොර රහසේම විවාහ වී වැලිමඩ නගරය ආසන්නයේ ගමක පදිංචිය සඳහා ගිය අතර ඇගේ පාසල් ගමනටද ,වෛද්‍යවරියක වීමේ සිහිනයටද එයින් නැවතීමේ ලකුණ තැබුවාය..

මෙයින් මා දැඩි කම්පනයට පත් වූවෙමි..මා සමග නිරන්තරයෙන්ම එකට උන්, මා අසීමිතව ආදරය කළ මිතුරියක සරි පොඩි අක්කා මගෙන් වෙන්වීම මට කෙළෙසවත් දරාගත නොහැකි විය.මා කුඩා කළ ඈ කියාදුන් "උන්නා එක ගංගාවක රන් වන් පුංචි මාළුවෝ " ගීතයේ ආකාරයෙන් පොඩි අක්කාව කැන්දාගෙන යාමට හිරු කුමාරයකු එන්නට ඇතැයි සිතීමට තරම මම බොළඳ නොවීමි..මන්ද යත් සත්‍ය හා අසත්‍ය තේරුම්ගත හැකි වයසක මා පසුවූ නිසාවෙනි...එහෙයින් මා පොඩි අක්කාගේ සැමියාවූ අයියාට (මසිනාට) අසීමිතව වෛර කෙරුවෙමි.

පොඩි අක්කා නොමැති නිවස මට මට බෙහෙවින් පාළු තැනක් විය.මා පවුලේ සෙස්සන්ගෙන් වෙන්වී තනිව කාලය ගත කිරීමට පුරුදු වූවෙමි...රෑ සිහිනෙන් පොඩි අක්කා හැමදාකම පෙනුණි...ඒ හැම දිනකම ඈ මට පැවසූයේ
"බබා මට සමාවෙන්න" වැනි දෙයකි..... එහෙත් මම ඇයට වෛර කරන්නට පටන් ගත්තෙමි....මම ඇයව පිළිකුල් කරන්නට පටන් ගත්තෙමි....මම ඇයව අමතක කරන්නට උත්සුක වූවෙමි.නමුත් අවසානෙට වූයේ තව තවත් මට ඈ මතක් වීමයි....

පොඩි අක්කාගේ හිතුවක්කාර විවාහයෙන් පසු අම්මා කෙසේ වුවද අප්පච්චි නම් පොඩි අක්කාගේ නම වත් නිවසේ සඳහන් කරනවාට අකමැති විය..ඒ ඈ කෙරේ උපන් උපන් තරහකට වඩා ඉන් එහා ගිය කළකිරීමෙනි...අම්මා හැමෝටම හොරෙන් කදුළු සැලුවද අප්පච්චි ඉදිරියේ පොඩි අක්කා ගැන කතා කිරීමට බිය වූවාය....

**********************************************************************************************************************

පොඩි අක්කාගේ විවාහයෙන් මාස කිහිපයකට පසු අයියා හා ලොකු අක්කා අප්පච්චිට හොරෙන් පොඩි අක්කාව බැලීමට වැලිමඩට ගොස් පැමිණ පැවසූයේ අම්මා මෙන් මාද කිසිසේ අපේක්ෂා නොකළ කතාවකි....

"ඒ මිනිහා මහ කුපාඩි , බේබදු මිනිහෙක්ලු අම්මේ.....
පොඩී අඳුනගන්නත් බැරි තරමට වෙනස් වෙලා.....ඇදිලා ගිහිල්ලා...කොණ්ඩෙත් ගිහින්...."

"බීලා ඇවිල්ලා හැමදාම පොඩීට ගහනවත් එක්කලු...." පව්....මාව දැක්ක ගමන් කෙල්ල කෑ ගහගහ ඇඬුවා.......

ලොකු අක්කා අම්මා එක්ක පැවසුවේ මා කිසිසේත්ම අපේක්ෂා නොකළ කතාවකි....

**********************************************************************************************************************

මේ අයුරින් දින සති මාස අවුරුදු බවට පෙරලෙද්දී අම්මා කිහිප වරක්ම ලොකු අක්කා සමග පොඩි අක්කා බැලීමට වැලිමඩට ගියාය...ඒ එකම අවස්ථාවක හෝ ඈ මා කැටුව ගියේ නැත...පොඩි අක්කා විඳින අසීමිත දුක්ඛදෝමනස්සයන් පිළිබඳව අම්මා හා ලොකු අක්කා ඇතර ඇති වන කතාවලින් මා පසක් කොට ගත්තෙමි...

අම්මා කිහිප වරක්ම පොඩි අක්කාව නිවසට රැගෙන ඒමට උත්සහ කළද පොඩි අක්කා යළිත් නිවසට පැමිණීමට අකමැති වන්නට ඇත්තේ අප්පච්චිට මුහුණුදීමට හැකියාවක් නොමැති නිසා වන්නට ඇත....... අප්පච්චිද පොඩි අක්කාට සමාව දී නිවසට පැමිණීමට අවසර දුන්නද ඈ සියළු සම්බන්ධතාවයන් දුරකථනයට පමණක් සීමා කළාය...ඈ විවාහ වී අවුරුදු දෙකක් ගතවුණිද පොඩි අක්කා හෝ ඇගේ සැමියා අප නිවසට පැමිණියේ නැත.......

වර්ෂය 2008 වෙද්දී දිනය නම් මට ඒ හැටි මතක නැත...කෙසේ හෝ ඒ සෙනසුරාදා දිනයකි....මා නිවසේ ඉදිරිපස ඇති බංකුවේ හිඳ පාඩම් කරමින් සිටියෙමි....නිවසේ දුරකථනය නාද වූ අතර අම්මා හෝ ලොකු අක්කා එය ආන්ස්වර් කරන්නට ඇත...ඒත් සමගම නිවස දෙසින් මහා විළාපයක්ද ලොකු අක්කාගේ කෑ ගැසීමද එකවරම ඇසුණි....මා නිවස දෙසට දිවුවාද,පියෑඹුවාද මට අදටත් අබිරහසකි.
.මා නතර වූයේ සිහිසුන්ව වැටී සිටි අම්මා අසළයි........

**********************************************************************************************************************

වෙන්නට තිබූ හැම දේම ඒ වෙද්දී අවසන්ව තිබුණි....පොඩි අක්කාත් ඇගේ සැමියාත් අතර සිදුවූ ආරවුලක් හේතුවෙන් පොඩි අක්කාට පිහියෙන් ඇන මසිනාද වස පානය කර සියදිවි හානි කරගෙන තිබුණි...සති කිහිපයක කළලයක් කුසදරා උන් පොඩි අක්කා එම ස්ථානයේම අවසන් හුස්ම හෙලා ඇති අතර නරුම පාපතරයා රෝහල් ගතකිරීමෙන් අනතුරුව මිය ගියේය...

නෑදෑ හිත මිතුරන්ගේ කඳුළු සුසුම් අතරින් පොඩි අක්කා සදාකල්ම පොළොව යට වැළලෙද්දී මා කොපමණ සිහිසුන් වූවාදැයි මට මතක නැත....කුඩා කල පටන් මගේ හෙවණැල්ල වූ මගෙ රත්තරන් අක්කා මා දමා නොඑන ගමන් යන්නට සැරසෙද්දී මට දැණුනු ඒ වේදනාව මේ මොහොතේද දැනෙන්නේ පොඩි අක්කා සමග ඇති අතීත මතකයන්ද මතක් කරවමිනි......

**********************************************************************************************************************

පොඩි අක්කාගේ මරණෙන් පසුව මා වෙනස්ම පුද්ගලයෙකු බවට පත් වූවෙමි..දහවල් මෙන්ම රාත්‍රී කාලයන්ද මම පොඩි අක්කා සමගින් ගත කරන්නට පුරුදු වීමි....

පොඩි අක්කාගේ මරණයෙන් මාස කිහිපයකට පසු ලොකු අක්කාගේ උපාධී ප්‍රධානෝත්සවයට අම්මා අප්පච්චි ලොකු අයියා ඇතුළු සියලු දෙනා කොළඹ බලා පිටත් වූ අතර මා හා චූටි අයියාද ආච්චි අම්මාද නිවසේ නතර විය... බස්වල යෑමට ඇති අකමැත්තත්, පොඩි අක්කාගේ මතකයන් නිසාවෙන්ද මා නිවසේ නතරවීමට තීරණය කෙරුවෙමි..චූටි අයියාද පාසලේ විශේෂ වැඩක් හේතුවෙන් නිවසේ නතර වූ අතර ආච්ච් අම්මා අපගේ තනියට නිවසේ නතර වූවාය.....

එදින රාත්‍රී ආහාරයෙන් අනතුරුව වේලාසනින්ම මා නින්දට වැටුණෙමි...ආච්චි අම්මා හා චූටි අයියා එක කාමරයේ නිදාගත් අතර මා තනිවම මගේ කාමරයේ නිදා ගත්තෙමි.....

වැස්සක පෙරනිමිති පෙන්නමින් මහා හයියෙන් හුළං හමනා ශබ්දය නිවසට එපිටින් නින්නාද දෙද්දී මා කාමරයේ විදිලි පහන් නිවා දමා නිදා ගන්නට ඇඳට ආවෙමි....කළුවරත් වැසි අඳුරත් නිසාවෙන් නින්ද මා වෙත ළඟා වීමට වැඩිවෙලාවක් ගත වන්නට නැත...
බෙඩ් ෂිට් එක හිසේ සිට පාදාන්තය දක්වා පොරවාගත් මා නින්දට අවතීර්ණ වූවෙමි......

මා නින්දට වැටී එකවරම නින්දෙන් ඇහැරුණේ කුමකටදැයි මට නිච්චයක් නොවීය....ඒ වන විටත් මහ වැසි ඇදවැටීම පටන් ගෙන තිබුණි... වැසි දිනවල රාත්‍රී කාලයට දෙතුන් වරක් මුත්‍රා කිරීමට මා කුඩා කල සිට හුරුවී ඇති නිසාවෙන් වැසිකිළි යාමේ අවශ්‍යතාවය මට තදින්ම දැනෙන්නට වීය...

මා කාමරෙයෙන් පිටතට විත් සාලය හරහා ගොස් නිවසේ ප්‍රධාන දොර විවෘත කර , වැරන්ඩාවේ කෙළවරක සිට මුත්‍රා කළෙමි...විදුලි කොටමින් ඇද හැලෙන මහ වර්ෂාවේ වැසිකිළියට යෑමට හැකියාවක් නොමැති නිසාවෙන් මා වැරන්ඩාවේ සිට මුත්‍රා කර යලිත් ගේ ඇතුළට යෑමට සැරසුණෙමි ...

අපගේ නිවසේ ඉදිරිපස විවිධාකාරයෙන් මල් වර්ග වවා ඇති උද්‍යානයයක් වන අතර අප්පච්චි විසින් අපට පාඩම් කිරීම සඳහා කුඩා බංකු කිහිපයක්ද ඒ ආසන්නයේ තනා දුන්නේ පොඩි අක්කාගේ ඉල්ලීමට අනුවය....
මා නිවස තුළට පියනැගීමට ප්‍රථමව ඒ දෙසින් ඇසුණු ශබ්දයකින් නිකමට මෙන් ඒ දෙස බැලීමි.....

කට්ට කළුවත් වැස්සේ ඇති ශබ්දයත් නිසාවෙන් පැහැදිලව කිසිවක් නොපෙණේ....සැරින් සැරේ නැගෙන විදුලියෙන් මුලු මිදුලම ආලෝක වෙද්දී මිදුලේ බංකුවේ කෙළවර හිඳිනා අපැහැදිලි රුව කාගේදැයි මා හට නිශ්චය කරගත නොහැකි විය...

වැරන්ඩාවට නැගෙන සිහින් හිරිපොදයත් සමගින් හදවත කිළිපොලා යද්දී මා මනසට නැගුණු එකම සිතිවිල්ලෙන් මා වෙවුලා ගියෙමි....

මේ පොඩි අක්කගෙ හොල්මනවත්ද?

ආච්චි අම්මට හෝ අයියාට කතා කර පලක් නැත.මේ මැදියමේ රැයේ වැස්සත් සුළගේ ශබ්දයත් නිසාවෙන් කෑ ගසා පලක් නැත.. මා වෙවුලා ගිය හඩින් පොඩි අක්කා යැයි කෑ ගැසුවෙමි....

කිසි වෙනසක් නැත....බංකුවේ හිඳි රැව නිසොල්මන්‍ ය. මා නිවස තුළට දිවගොස් නිවසේ ඉදිරිපස විදුලි බුබුළ දැල්වූයෙමි...... බංකුවේ කිසිවෙකු නැති අතර වැස්ස හා සුළගේ වේගය කුණාටුවක් පරිද්දෙන් නිවස තුළට කඩාවැදුණි...මා නිවසේ දොර අගුල් දමා ආපසු කාමරයට යාමට සැරසෙත්ම මුලු නිවසම දෙදරා යන ආකාරයෙන් දැඩි පහරක් නිවසෙන් එපිට සිට දොරට එල්ලවිය... තිගැස්සී ගිය මා කාමරයට වැදී ඉතිපිසෝ ගාථාව මෙනෙහි කරමින් නිදාගැනීමට උත්සහ කෙරුවෙමි...නින්ද මා වෙන එදිදී පාන්දර වන්නට ඇත...

**********************************************************************************************************************

ඒ පොඩි අක්කාගේ අවතාරයේ ආරම්භයයි....මා අසීමිතව ආදරේ කළ පොඩි අක්කාට ආවතාරයක් යැයි ඇමතීමට අකමැති වුවද , ඈ මියගිය පසු සිදුවූ සිදුවීම් හෙතුවෙන් මා ඇයට වෛර කීරීමට පටන් ගත්තෙමි....

කිහිප සැරයක්ම අම්මා මෙන්ම ලොකු අක්කා ඇයට බියවූ අතර නිවසේ පිසෙන බත්, මාලු වැනි ආහාර කල්තබා ගත නොහැකි විය...ඒවා ඉක්මනින්ම පිළුණු වූ අතර සමහර දාට පිසෙන බත් කැඳ විය...

මාස ගණනාවක් මා හීනෙන් බියවූ අතර ඒ හැමහීනයකම කතා නායිකාව වූයේ පොඩි අක්කාය.....
ඈ මට ආදරේ බවත් , මා ඈ ළඟට ඉතා ඉක්මනින්ම ගන්නා බවත්, අම්මා අප්පච්චිට අපිව වෙන් කළ නොහැකි බවත් ඈ පුන පුනාම කීවාය....

මේ හේතුවෙන් මා දිනෙන් දිනම අසනීප වූවෙමි...අම්මාව බිය කිරීමට මා අකමැති වූ හෙයින් මා හීන පිළිබඳව කිසිවක් අම්මාට කීවේ නැත... තත්වය එන්න එන්නම නරක් වෙද්දී අප නිවසට ආසන්න නිවෙස්වල අසල්වැසියන් බොහෝ දෙනෙක් අප නිවටවත් ඒමට අකමැති වීය..කිහිප දෙනෙක්ම පොඩි අක්කාගේ අවතාරයයට බියවූ බවත්, අපේ නිවසේ හොල්මන් ඇති බවත් ගමේ කා අතරත් ප්‍රසිද්ධ විය....

මේ සියලු හේතූන් නිසා අප්පච්චි මාතරින් කට්ටඩියෙකු රැගෙනවිත් පූජාවක් කර වැලිමතුරා නිවස වටා ඉසිමින් නිවසට ආරක්ෂාවක් කළේය... පොඩි අක්කාට පින් පිණිස සාංගික දානයක්ද දුන්නේය......

මේ සියල්ලන්ගෙන්ම අනතුරුව ටික කාලයක් නොයෙක් ශබ්දයන්, ඇසුණද කෙටි කාලයකින් ඒවාද නැත්තටම නැතිවිය......අදටත් මට පොඩි අක්කා මසකට සැරයක් හෝ හීනෙන් පෙනේ.. මල්ලී කියා හිහ අත ගායි....මට ආදරේ බව පවසයි....කරදරයක් නැති බවද පවසයි.....

අද මම විශේෂවේදී උපාධිධාරියෙකි
.පොඩි අක්කා මගේ අසළ උන්නා නම් ඈ ගොඩක් සතුටු වෙන්නට ඉඩ තිබුණි...නමුත් අවාසනාවකට ඈ අපට සදහටම නැති වුණි....ඒ වේදනාව හැමදාකම මගේ හදවතේ රැදී තියේවී......

**********************************************************************************************************************

මේ කතාව බොරුවක් නෙවෙයි...සත්‍ය ම සිදුවීමක්....අපිට ගොඩක් ආදරෙන් මැරෙන ගොඩක් අය හොදින් හෝ නරකින් අපි ගාවට අවතාරයක් වෙලා හරි එනවා කියන එක කවුරු පිළිගත්තේ නැති වුණත් අත්දැකීමෙන් මම දැන් දන්න සදාතනික ඇත්තක්....

ඔයාලගෙ අදහස කොමෙන්ටුවකන් තියලා යන්න යාලුවනේ.....ඔයාලා හැමෝටම බුදුසරණයි.....!!

මම #සුමේධ හෙට්ටිආරච්චි

Source: Link

අපගේ Android App එක අදම Download කර දිනපතා අලුත් හොල්මන් කතා පහසුවෙන් කියවන්න...

Download කරගැනීම සදහා Google Play ලින්ක් එක පහත දක්වා ඇත..

Google Play Link

---වොරන් පවුලේ ශාපය THE NUN ( VALAC )---

TechZone buthayo , ghost

අද මන් ඔයාලට දෙන්න විශේෂ දෙයක් ගේනවා අද මන් ඔයාලට ගෙනාවේ චිතරපටයක් නම් නොවේ සත්‍ය කතාවක් ඔස්සේ නිර්මාණය වූ චිත්‍රපට පෙළක ඉතිහාසය සම්බන්දය සමගින් ඉදිරියට එන්නට නියමිත THE NUN චිතරපටයේ ඇතුලාන්තයේ ඇති වැදගත් දෙයක් සමගින් ඔබට ලොකු පණිවිඩයක් දෙන්න ඉතින් ඔයාල දන්නවා මේ සමූහය තුල චිත්‍රපට විචාරය කිරීමට ඉඩක් නොමැති බව එත් මේ විචාරයක් නොවේ මෙය මැනවින් තේරුම් ගත් ඇඩ්මින් මඩුල්ල මට මෙය පලකිරීමට අවසර දුන්නා .

මන් මගේ කලින් පොස්ට් එකෙන් මන් ඔයාලට කිව්වේ අමනුෂ්‍ය ආක්‍රමණයක් වන හැටි ඉතින් මන් මේක හරහා දෙන්න හදන්නෙත් අමනුෂයෙක් දශක 3ක් පමණ කාලයක් තුල වොරන් පවුලෙන් පලිගන්න ආපු විදිය ම්ම්ම් සමහරු දන්නේ නැතුව ඇති මේ ed warren සහ lorraine warren කියන්නේ කවුද කියල මන් මෙහෙම කෙටියෙන් කියන්නම්කො conjuring චිත්‍රපටයේ මේ අභිරහස විසදන්න එන කපල් එක ඔයාල දන්නවා ඇතිනේ අන්න එයාල දෙන්න තමයි මේ

conjuring 1/2 Annabelle 1 , Annabelle creation කියන චිත්‍රපටි ඔයාල බලලා ඇති නමුත් මේ සිදුවීම් සත්‍ය වශයෙන් වුන වර්ෂ ගත්තහම මේවා release වුන විදියට වඩා ගොඩක් වෙනස් මන් එක ඔයාලගේ පහසුවට මෙන්න මෙහෙම දැන්නම් සිදුවීම් වුනු වර්ෂ පිලිවෙලින් මේවා THE NUN නැත්තම් valak බලවේගය යම් හෙයකින් හෝ සම්බන්ද වුනු චිත්‍රපට නැත්තම් සිදුවීම් පිලිවෙලින්

01 1943 Annabelle creation වල ළමයාගේ මරණය රිය අනතුරක් මගින්
02 1952 THE NUN (තාමත් තිරගතවී නොමැති )
03 1955 නැවතත් Annabelle creation වල ආබාදිත ළමයෙක් හදාගැනීමට අරන් නැවතත් එම සිදුවීම් අලුත් වීම
04 1967 Annabelle 1 නැවත ආරම්භය
05 1971 conjuring 1
06 1976 conjuring 2 enfield poltergeist

හරි ඉතින් දැන් ඔයාලට තේරෙනවා නේද මේ සිදුවීම් අපි බලල තියන ව්දියට නෙමෙයි සත්‍යටම වෙලා තියෙන්නේ කියලා ඉතින් මන් මේ විදියට ඔයාලට time line එකක් ගෙනාව තව හේතුවක් තමයි මේ valac කියන අමනුෂ්‍යයා අවුරුදු 25ක් පමණ තිස්සේ වොරින් යුවල පස්සෙන් ඇවිත් තියනවා valac කියන්නේ කවුද කියලා මන් කලින් පොස්ට් වලින් ඔයාලට කියල තියනවා අවශ්‍ය අය විමසන්න

එතකොට මන් කිව්වා නේද THE NUN කියන එකේ පොඩි දෙයක් ඔයාලට කියනවා කියලා ඔව් මෙන්න මෙහෙමයි මන් හිතනවා THE NUN එක teaser එක බලන්න ඇති කියලා එකේ ඉන්නවා සුදු පාට ඇදගත්ත කන්‍යා සොයුරියක් ඉතින් ඒ teaser එක ආරම්භයේදීම කියනවා ඇයට අමනුෂ්‍ය nun කෙනෙක් ගැන පෙනීමක් තියනවා කියලා ඉතින් lorraine warren ටත් එහෙම පෙනීමක් තියනවා කියලා ඔයාල දන්නවා ඉතින් මන් හිතන විදියට මෙතන මතු කරන්න හදන්නේ lorraine warren ගේ තරුණ කාලය හෝ ඇයගේ සහෝදරියක්ද යන බව මට සැකයි ? ඒ වගේම ඔයාල දන්නවද lorraine warren චරිතය නිරුපනය කරන කෙනාගේ නම Vera Farmiga එතකොට THE NUN එකේ සුදු පාට ඇදගත්ත කන්‍යා සොයුරිය නිරුපනය කරන කෙනාගේ නම Taissa Farmiga ඔව් මේ දෙන්න ඇත්තටම අක්කයි නංගි trailer එක ආවම මිට වඩා දේවල් කියන්න පුළුවන් උනත් මන් කියන්නේ නැහැ මොකද එතකොට එහි රසය අඩුවෙන නිසා

ඉතින් මන් මේකෙන් කියන්න හදපු ප්‍රධාන දේ තමයි මේ valac කියන demon අවුරුදු 25ක් පමණ තිස්සේ රටවල් 3ක මොවුන්ව ග්‍රහණයට ගැනීමට කටයුතු කළා ඉතින් අන්තිමට ed warren මියගියා ඒ ඔබ කවුරුත් දන්නා ammtiville සිද්දිය ගවේෂණය කරන අවදියේ ඉතින් lorraine warren නම් පවසන විදියට ඔහුගේ මරණයට the nun නැත්නම් valac කියන අමනුෂයා ප්‍රධාන සාධකයක් වුන බවයි .

ඉතින් ඔයාලට තේරෙනවා නේද මෙහි ඇති භයානක කම ගැන ? හැමදේකටම සීමාවක් තියාගන්න විශේෂයෙන් මෙවැනි දේවල් වලට

ඉතින් මීට වඩා මට තේරුම් කරන්න ගොඩාක් අමාරුයි කරුණාකර වැරදි ඇත්නම් නිවැරදි කරන්න ඒ වගේම යම් දෙයක් අපැහැදිලි නම් විමසන්න

විශ්වාශය තුල හැමදාම විශ්වාසය තබන්න විශ්වාස කරන්න
නමුත් ඇදහිල්ලක් කර නොගන්න

ෆොක්ස් ...../

Source: Link

අපගේ Android App එක අදම Download කර දිනපතා අලුත් හොල්මන් කතා පහසුවෙන් කියවන්න...

Download කරගැනීම සදහා Google Play ලින්ක් එක පහත දක්වා ඇත..

Google Play Link

21 May 2019

---හොල්මන් අවතාර එක්ක කරන සෙල්ලම්---

10 May 2019

---අත්භූත සිද්දීන් පසුපස හඹා යාමේදී ඇතිවන අතුරු ආබාද ---

08 May 2019

---පිලිස්සී මියැදුනු යුවතියකගේ අවතාරය---

06 May 2019

---මරා දැමූ සොයුරියගේ ආත්මයෙන් ශරීර බන්ධනයක්---

04 May 2019

---පොඩි අක්කාගේ අවතාරය---

02 May 2019

---වොරන් පවුලේ ශාපය THE NUN ( VALAC )---

Recent

Popular

Blog Archive